【大埔戲院】闊別多年大埔落實再開戲院!即睇嘉禾大埔開幕時間+地點

【大埔戲院】闊別多年大埔落實再開戲院!即睇嘉禾大埔開幕時間+地點

【大埔戲院】隨著疫情放緩,政府亦陸續放寬各項防疫措施,而戲院亦喺早前重新營業。咁多年嚟大埔人都要跨區睇戲,今次終於有屬於大埔區嘅戲院喇!到底嘉禾院線宣布旗下全新戲院「嘉禾大埔」會幾時開、邊到開?即刻睇下喇!

撰文:海月|圖片來源:嘉禾

【大埔戲院】闊別多年再開戲院!即睇嘉禾大埔開幕時間+地點

傳咗好耐嘅「大埔超級城戲院」,早前就因為UA戲院全線結業而去向成疑,大埔喺最高峰時,區內曾並立3間戲院,可惜喺2001年相繼結業後區內再無戲院。唔少大埔人想睇戲就要跨區,而去年UA Cinemas就承租大埔超級城多層停車場,將建造全新「大埔超級城戲院」。可惜因為早前UA Cinemas宣布全線結業,大埔新戲院亦隨之告吹。

傳咗好耐嘅「大埔超級城戲院」,早前就因為UA戲院全線結業而去向成疑(圖片來源:嘉禾)
傳咗好耐嘅「大埔超級城戲院」,早前就因為UA戲院全線結業而去向成疑(圖片來源:嘉禾)

今次呢個萬眾期待嘅大埔超級城戲院,終於傳嚟好消息!嘉禾院線宣布旗下全新戲院「嘉禾大埔」,預計將於2021年今年第三季隆重開幕,整個項目由新鴻基地產旗下大埔超級城多層停車場改造而成,嘉禾更計劃將戲院打造成富有主題特色的年輕休閑空間,銳意為區內、外年輕人構建耳目一新嘅電影朝聖地。

嘉禾院線宣布旗下全新戲院「嘉禾大埔」,預計將於2021年今年第三季隆重開幕(嘉禾V WALK示意圖、圖片來源:嘉禾)
嘉禾院線宣布旗下全新戲院「嘉禾大埔」,預計將於2021年今年第三季隆重開幕(嘉禾V WALK示意圖、圖片來源:嘉禾)

原因為一係因為大埔超級城為新界東及北區內最具規模、最大型休閑購物點,更鄰近港鐵站及公共運輸交匯處,向來深受年輕家庭歡迎。大埔超級城除不時有結合互動科技及創意主題嘅活動,更有唔少人氣餐飲美食、潮流服飾及一田百貨公司,極具消閑力成為大埔人氣購物集中地。

嘉禾更計劃將戲院打造成富有主題特色的年輕休閑空間,銳意為區內、外年輕人構建耳目一新嘅電影朝聖地。(嘉禾V WALK示意圖、圖片來源:嘉禾)
嘉禾更計劃將戲院打造成富有主題特色的年輕休閑空間,銳意為區內、外年輕人構建耳目一新嘅電影朝聖地。(嘉禾V WALK示意圖、圖片來源:嘉禾)

嘉禾院線表示全新戲院嘉禾大埔將設有4個影廳,並提供近400個座位,當中包括嘉禾院線獨有配備之D-BOX動感座位,以獨有震撼效果提升電影觀感層次。而負責推動戲院項目嘅橙天嘉禾娛樂集團首席運營官兼執行董事鄒秀芳小姐表示:「大埔區自2001年以後未有戲院落戶,居民20年嚟都需要不時跨區欣賞電影。嘉禾院線留意到居民對戲院嘅需求,因此嘉禾大埔除了擔當戲院角色,亦希望為社區帶來耳目一新感覺。隨著未來新界東有更多新屋苑落成,嘉禾希望進駐大埔後可凝聚一班愛電影嘅朋友,滿足不同戲迷需要,為社區帶來全新娛樂體驗」。

嘉禾院線表示全新戲院嘉禾大埔將設有4個影廳,並提供近400個座位,當中包括嘉禾院線獨有配備之D-BOX動感座位,以獨有震撼效果提升電影觀感層次。(嘉禾V WALK示意圖、圖片來源:嘉禾)
嘉禾院線表示全新戲院嘉禾大埔將設有4個影廳,並提供近400個座位,當中包括嘉禾院線獨有配備之D-BOX動感座位,以獨有震撼效果提升電影觀感層次。(嘉禾V WALK示意圖、圖片來源:嘉禾)

新鴻基地產執行董事馮秀炎小姐則表示:「今次合作非常愉快,大埔超級城作為新地旗下、新界區旗艦商場之一,向來積極為新界區引入優質商戶,不斷豐富場內商戶組合,提升跨區吸客競爭力。是次能與嘉禾院線聯手,為大埔區、以及新界東居民帶來全新戲院『嘉禾大埔』,面積達1.5萬平方呎,並成為新界東北動感影院,兼區內唯一的戲院,我們希望藉此能讓新界東、尤其是大埔區居民隨時享受看電影嘅樂趣」。
 

嘉禾大埔

開幕日期:2021年第3季
地址:大埔安邦路8及10號

YOU MAY ALSO LIKE ...