【率先睇片啦喂!】亞洲最強Ultraman 鹹蛋超人展

為慶祝Ultraman誕生50週年,日本團隊就同香港主辦機構聯乘,由即日至12日一連4日於亞洲國際博覽館舉辦「ULTRA HEROES ACROBATTLE LIVE IN HONG KONG 2015」 鹹蛋超人展 ,筆者啱啱去過,個展絕對係亞洲最強!只因10,000平方米裏面有主題展覽、全亞洲最大互動遊樂場,再加埋全新故事嘅真人舞台劇,忠粉點可以錯過?不過無時間去又或者嫌亞博太遠嘅朋友,可以睇我哋呢篇報道當去咗,因為真係全港最詳盡最快㗎!

text、photo-專題組

今次 鹹蛋超人展 共分為10多個展區,焦點係場中心嘅7米高超人ZERO同黑暗超人貝利亞,大家一行入去就見到!睇下圖中呢位兄弟同兩隻超人嘅比例,就知佢哋有幾咁巨大!

識去嘅,一定即去「超人實感錄影廠」,佢分別有4個摸擬城市嘅縮細場景,每個場景都有1個超人同怪獸對決,你可以加入變身成為鹹蛋超人戰友一角(怪獸都得嘅),打埋一份拍電視劇,影相又好片又好,滿足感真爆燈!

如果係忠粉,就一定要嚟呢個「M78星雲機密館」,裏面有最齊最詳盡嘅超人同怪獸資料,重要中英對照,要睇晒都要大半日!

內容延讀:

幪面超人一風堂 打低嘰嘰兵 擊破龍蝦怪陰謀 變埋拉麵?

【編輯部嚴選】10套最想翻拍神之 日劇

場內重有好多展一陣再講,而家講咗必玩遊戲先。「超人格鬥技特訓專區」可以俾你好似Martix嘅Bullet Time咁,以一組相機,造成一張180度迴轉嘅特技效果相片(其實係mp4檔),你睇圖中嗰位哥哥玩得幾過癮!

之後要玩埋「貝利亞魔爪」,其實佢係一部超巨型嘅夾公仔機,利用超粗碌控制桿控制隻爪夾起1個細梳化咁大嘅方塊,成功嘅就可以攞到唔同嘅獎品例如超人tee。編輯部有「夾公仔之王」稱號嘅奧斯卡夾咗兩次就成功夾到件tee番嚟,佢話難玩過正規公仔機,因為預唔到位!

場中重有兩個體感電子遊戲,分別係同超人過招及鬥快擺唔到pose。

俾細bb玩嘅巨型充氣樂園當然唔少得。

內容延讀:

幪面超人一風堂 打低嘰嘰兵 擊破龍蝦怪陰謀 變埋拉麵?

【編輯部嚴選】10套最想翻拍神之 日劇

再講返個展,「超人怪獸介紹區」裏面無論係槍械、制服、怪獸同人頭figures都以仿真正博物館嘅手法去處理,超像真!

「宇宙迷你天地」裏面有cute cute嘅Q版鹹蛋超人,囡囡都鍾意!

最後一頁睇pop-up store精品同詳細資料

內容延讀:

幪面超人一風堂 打低嘰嘰兵 擊破龍蝦怪陰謀 變埋拉麵?

【編輯部嚴選】10套最想翻拍神之 日劇

唔好唔記得行埋去隔籬Hall9嘅展覽館,裏面有超人嘅pop-up store、型仔超人車同細figures展。

 

唔好忘記重有全新篇寫故事嘅鹹蛋超人真人舞台劇﹕「ULTRA HEROES ACROBATTLE LIVE IN HONG KONG 2015」長達1小時,故事以超人貝利亞同超人家族對戰為中心,除咗指定嘅動作場面,重加入全新的3D Projection Mapping技術,日本奧運金牌體操選手中村大輔同喺香港廣廣告短片飾演超人之母人間體嘅羅子喬都有份演出。

ULTRA HEROES ACROBATTLE LIVE IN HONG KONG 2015 活動詳情

日期2015 年7 月9至12 日 (星期四至星期日)
時間互動遊樂場及主題展覽上午11時至晚上9時真人LIVE SHOW12時至1時; 4時至5時; 7時至8時
地點亞洲國際博覽館Hall 8、9、10
訂票熱線門票將於6月15日快達票售票處、K11 Select 及通利琴行公開發售。 (快達票將額外收取每張門票的顧客服務費)。觀眾亦可致電售票熱線(852) 31288288,或於網上訂票www.hkticketing.com
票價互動遊樂場*及主題展覽入場門券入場門券: HK$80互動遊樂場*及主題展覽入場門券及真人LIVE SHOW 表演HK$ 480 (VIP)
HK$ 380 (PS 1)HK$ 280 (PS 2)*互動遊樂場內的機動遊戲及攤位遊戲均需要遊戲券參加!
查詢電話2669 4798

YOU MAY ALSO LIKE ...

There are 3 comments

Add yours
  1. 新Monday / 【率先睇片捉迷藏!】海港城同你一齊搵Wally - 新Monday

    […] >先睇香港最強Ultraman鹹蛋超人展 […]

  2. 新Monday / 【環遊世界機會嚟啦!】Mr. Men & Little Miss新元朗中心同你去旅行 - 新Monday

    […] >再去埋博覽館睇Ultraman鹹蛋超人展 […]

  3. 新Monday / 【同火車玩水!】Thomas黃金海岸陪你過濕身夏日 - 新Monday

    […] >先睇亞洲最強Ultraman鹹蛋超人展 […]


Comments are closed.