《光年正傳》

《光年正傳》一接吻畫面被指破壞童年?網民力撐禁上!

電影

廣告

《光年正傳》(Lightyear)迪士尼投資,由彼思動畫製作室製作的一部改編自巴斯光年的電影,6月17日已在香港上映,唔少反斗奇兵(Toy Story)的粉絲都非常期待,但竟然因為劇情中一個接吻畫面令佢無法於14個亞洲國家上映!

《光年正傳》
(圖片來源:《光年正傳》電影海報)

《光年正傳》有同性接吻情節 無法通過電影審查

《光年正傳》電影中,有一名女太空人Alisha與另一名女性結婚,出現同性接吻畫面,同性戀的戀愛取向現時雖然於許多國家偏為普及化,但喺好多中東國家同性戀仲仍然被認為係犯罪的行為,未能接受,因此《光年正傳》通過唔到當地國家的電影審查,阿聯酋於6月13日已宣布禁止《光年正傳》在當地電影院上映,全因「違反該國媒體內容標準」,其後埃及、印尼、馬來西亞及黎巴嫩等國都宣布禁上,理由就無解釋。

《光年正傳》
(圖片來源:《光年正傳》電影截圖)

中國曾要求刪減情節被拒

而好多電影都通過唔到的中國都亦有可能會禁止上映,據消息指出,中國曾要求刪減情節以繼續於內地上映,但被迪士尼拒絕,強調「我們不會刪減任何情節」!早前迪士尼業績會時,迪士尼CEO都表達過即使無咗中國市埸,亦能成功的言論。當時正正上映《奇異博士2:瘋狂的多元宇宙》,上映僅一周全球票房就突破5億美元,迪士尼CEO Bob Chapek就此為例子,證明無咗內地市埸影響不大,內地市埸並非決定作品成敗的關鍵。

《光年正傳》
(圖片來源:《光年正傳》電影截圖)

詳細文章:迪士尼業績會CEO:唔靠中國都一樣成功 即上微博熱搜!

網民意見不一:迪士尼硬要人接受佢哋嗰套價值觀

有唔少網民都支持迪士尼做法,認為現時同性戀戀愛普及化「其實都係咀一下姐,駛唔駛咁大反應呀你」亦有網民就覺得有破壞童年的感覺,睇開Toy Story唔應該出現呢啲情節,同埋覺得迪士尼硬要人接受將佢哋的價值觀「disney咩x都要人地接受佢個套價值觀」「垃圾美國佬仲以為係幾十年前,想靠國力向全世界推自己啲垃圾文化」「應該要唔畀佢上畫先啱」「彼思一向口啤咁好拍比細路仔睇,做x臭自己個朵…」「同性無問題, 唔好刻意乜都配力架係可以」「今次真係多咗」「16歲以下睇接吻就會變同性戀?」

《光年正傳》預告片:

圖片來源:《光年正傳》電影截圖資料或影片來源: Disney Movies Hong Kong

YOU MAY ALSO LIKE ...