【媽媽的神奇小子】蘇樺偉故事被搬上大銀幕！為逆境中嘅香港人打氣
廣告
【媽媽的神奇小子】「神奇小子」蘇樺偉係香港勵志人物，咁多年來唔少嘅媒體都報道過佢嘅故事。不過，蘇樺偉媽媽嘅經歷卻少有提及。最近，被燈神蕭若元祝福嘅香港電影就有新作品出。講述蘇樺偉同媽媽故事嘅電影《媽媽的神奇小子》即將上映。當中吳君如飾演蘇媽媽，有幾幕戲真係令觀眾潸然淚下。
撰文：Andy｜圖片：《媽媽的神奇小子》、體路 截圖｜編輯：海月
蘇樺偉故事被搬上大屏幕 為逆境中嘅香港人打氣
香港驕傲之一嘅殘奧徑賽金牌得主蘇樺偉嘅故事終於被搬上大銀幕。呢套真人真事改編嘅電影，講述蘇樺偉同蘇媽媽之間嘅羈絆，既熱血又溫馨。
由吳君如同梁仲恆擔任主角嘅《媽媽的神奇小子》即將上映，電影中梁仲恆飾演蘇樺偉，吳君如飾演蘇樺偉媽媽，兩人稱在合作中擦出不少火花，希望呈現一個真實動人嘅母子情。
故事講述蘇樺偉和蘇媽媽嘅故事，當中兩人嘅母子戲觸動人。蘇樺偉喺跑道上奮鬥嘅畫面亦十分熱血， 新人演員梁仲恆飾演蘇樺偉表演令人眼前一亮，無論係形體或者係說話預期都模仿得入型入格。
劇中佢包含感情講出：「輸喺起跑線唔緊要，最緊要知道終點喺邊。」更係讓觀眾感動。希望大家都可以直到自己想要嘅終點喺邊，勿忘初衷。
「神奇小子」蘇樺偉多次獲獎 望自己故事能帶來正能量
蘇樺偉自幼患有痙攣及弱聽，但佢克服重重困難，成功為本港於1996年取得殘奧會4×100米接力金牌。其後，更係多次站上頒獎台。目前更係男子200米（T36）世界紀錄保持者，係香港嘅「神奇小子」！現時已退役嘅蘇樺偉得悉自己故事改編稱電影並上映後稱感到開心，更說：「希望可以鼓勵到別人，帶給大家正能量。」
《媽媽的神奇小子》預告：
https://youtu.be/byBgUOK1Cbg
