【最快最齊 兼有片睇!】 Minions 展 66隻 迷你兵團 集郵攻略!

電影

廣告

呢期真係好黃呀!講緊嘅係 Minions 仔大肆襲港。除咗電影《迷你兵團》上映,由即日起,66隻勁Cute嘅迷你兵仔就會喺Moko新世紀廣場同沙田新城市廣場企定定同你selfie,最正係只要集齊佢哋身上嘅QR Code,重有禮物送添!當然唔少得Pop-up store同真人扮嘅mascot同你抱抱啦!想集齊66隻Minions嘅selfies?貼士咪睇晒下文囉!

Text-專題組 Photo-Billy、東

首先帶大家到旺角Moko商場,呢度嘅 Minions 仔主要集中喺中庭,主要分為潛水艇、電話亭、小食店同電影院多個場景,當中以台上呢3隻 Minions 最搶眼,佢哋會郁0架,所以除咗影相外,重可以拍埋片!

影院區旁嘅交通燈,都係selfie靚景!

倫敦電話亭,帶皇冠嘅Bob cute到震!

場中最大型裝置就係呢架潛艇型嘅展館~~

潛艇個頭咁cute,梗係唔可以放過,影!

展館裏面就有呢幾set雕塑同惡搞經典油畫嘅 Minions 掛畫,當中你認到幾幅畫原來係乜嘢作品?

另一邊就有電單車、飛鋼索、小食車場景。

內容延讀:

迷你兵原生髮型?團員無女仔? Minions 8大秘密!

氹囡囡紋Minions 咸爺5大愛家紋身解讀

提提大家,真人扮嘅Minions會喺今個月嘅5、12、19、26(逢星期日)出現喺MOKO商場同大家免費影相,要把握機會啦!

喺MOKO商場,你重有機會換領「《迷你兵團》蕉積套裝」,裏面包括香蕉味爆谷連《迷你兵團》限定鐵罐一個、汽水杯連12安士汽人同人物頂蓋兩個《迷你兵團》3D眼鏡1幅。信我,你見過副3D眼鏡同人物頂蓋嘅實物之後,一定會不顧一切用盡辦法擁有佢!

日期:4/7-26/7(逢星期六及日)

時間:12mn-10pm(每日換完即止)

參加方法:於場內任何商戶以電子貨幣(信用卡、易辦事或八達通)消費滿HKS3,000即可換領!(每日名額25個)

MOKO新世紀廣場 x 迷你兵團「點指兵兵 萬里尋兵」展

日期: 3/7-31/7

時間: 12nn-10pm

地點: MTR樓層中庭、L2樓層及L4樓層(記住行晒咁多層集QR Code呀)

Facebook查詢

內容延讀:

迷你兵原生髮型?團員無女仔? Minions 8大秘密!

氹囡囡紋Minions 咸爺5大愛家紋身解讀

跟住我哋再嚟到沙田新城市廣場,呢度嘅迷你兵分布比較散,不過就更互動啲,有遊戲玩,有蛋扭重有pop-up store俾你買嘢!首先介紹呢度一期地下嘅羅馬廣場,呢度分別有冰河時期、暗黑年代(班兵仔服侍過吸血殭屍0架)同倫敦時代扮御林軍嘅兵仔。

呢度重有兩個互動遊戲,第1樣係2.3米高嘅Mega TicTac迷你兵團扭蛋機,佢裏面有迷你兵團嘅扭蛋糖,大家喺商場以電子貨幣消費滿$500,就可以扭1次,睇下你有無咁好運可以扭出迷你兵團糖!

第2個遊戲,都係喺商場以電子貨幣消費滿$500,就可以同下圖嘅巨型健達奇趣蛋迷你兵團裝置合照,將合照再上載至個人嘅社交平台(Facebook/Weibo/Instagram),並hashtag #MINIONSinTOWN #kinderjoyhk,即可免費換領奇趣蛋迷你兵團版3蛋裝一盒。2個遊戲日期:5/7-2/8

大家喺1期,記住上埋5樓,玩「 Minions 舉牌歡迎你!」,可以輸入自己個名,同佢哋影張獨一無二嘅selfie!

再睇埋一期3樓嘅Minions 展

內容延讀:

迷你兵原生髮型?團員無女仔? Minions 8大秘密!

氹囡囡紋Minions 咸爺5大愛家紋身解讀

之後再帶大家到一期3樓拱型玻璃天幕廣場,喺呢度分別有 Minions 喺電影中嘅恐龍時代、石器時代、古埃及時代、海盜時代同拿破崙時代嘅場景。另外Kevin、Bob、Stuart3隻真人扮嘅mascot都會喺7月4、11、18、26、28日,以及8月1及2日,晚上8-9點現身廣場1期或3期同大家影相

最後一頁,睇埋一田Minions嘅pop-up store超正精品

內容延讀:

迷你兵原生髮型?團員無女仔? Minions 8大秘密!

氹囡囡紋Minions 咸爺5大愛家紋身解讀

最後就係喺3期1樓天幕長廊嘅Pop-up store,絕對係忠粉必去嘅地方,由即日起擺檔到2/8,有時間好去啦,以下喺我哋精選嘅必買 Minions 精品:

10吋Bob發聲公仔(有熊仔0架) $599.9

阿Bob咕0臣 $134.1

以下兩個tote bag,要喺商場買滿$800就可換領1個。

11吋Kevin公仔 $199.9

iPhone Case $142.2-151.2

 

當然唔好忘記影埋Pop-up store旁邊嗰幾隻 Minions 呀!

講咗咁耐,其實66隻Minions集郵遊戲點玩?只要登入智能手機遊戲網頁,再走去搵2個商場迷你兵雕塑上面或附近嘅QR CODE或NFC TAG再加以scan,成功集齊2個商場內66個《迷你兵團》圖像後,就可以繼續挑戰「快拼才會贏」遊戲,每日最快完成拼圖嘅參加者就有機會獲得《迷你兵團》精美禮品!

新城市廣場迷你兵團異動基地展

日期: 3/7-2/8

時間: 12nn-10pm

地點:1期1樓、3樓,3期1樓

Faceboook查詢
內容延讀:

迷你兵原生髮型?團員無女仔? Minions 8大秘密!

氹囡囡紋Minions 咸爺5大愛家紋身解讀

 

There are 4 comments

Add yours

Comments are closed.