【全港率先睇片!】時代廣場彼思動畫《玩轉腦朋友》展

電影

廣告

《反斗奇兵》系列、《怪獸公司》系列…迪士尼彼思動畫從來無令我哋失望過。佢哋今個暑假嘅重頭電影,就係《玩轉腦朋友》(Inside Out),電影係講一位開朗11 歲囡囡韋莉,佢腦入面有個「情緒總部控制中心」,5位「腦朋友」﹕阿樂、阿愁、阿燥、阿憎同阿驚,會指揮佢日常生活嘅情緒。而時代廣場就以呢套戲為主題,帶咗呢5位腦朋友親臨時代廣場!我哋記者率先拍咗段片同相俾大家睇,一班腦朋友有幾打耳!

text-專題組

露天廣場搭咗動畫中專門儲存記憶球嘅「長期記憶區」、負責幻想「幻想樂園」同炮製夢境「發夢製作公司」。呢,企喺圖中間嗰位叫阿樂,係今次動畫嘅主角,由林二汶配音。

下面呢個個樣愁到爆嘅係第2女主角阿愁,由王菀之配音。

除咗5位「腦朋友」,重有一眾配角喺場內穿梭,好似幻想朋友乒乓,大腦技工,同彩虹獨角獸小姐,同大家selfie no problem!

下一頁重有廣場2樓精彩展覽介紹同展期!

內容延讀﹕

睇埋另一勁打耳動畫預告!Minions迷你兵團班底新作玩寵物

【率先睇show!】《迪士尼音樂劇》晒冷到港

上到時代二樓大堂,就會見到5位「腦朋友」駐守嘅「腦海總部」、負責運送白日夢同各種奇思妙想嘅「思路列車」及大型記憶球吊燈,下面嗰位就係阿燥,由許紹雄配音。

二樓 現場重有大屏幕不斷播放獨家電影幕後花絮片段,正呀!

「思路列車」

電影內容﹕

個性開朗嘅11 歲囡囡韋莉,喺佢腦裏面有個「總部控制中心」,分別由5位「腦朋友」負責指揮佢5種唔同嘅情緒。包括確保韋莉幾時都開開心心嘅總指揮阿樂、負責韋莉安全事務嘅阿驚、為韋莉力爭公平待遇嘅阿燥、預防韋莉身心遭受傷害嘅阿僧,以及冇人知佢職責何在嘅阿愁。

隨著韋莉舉家從中西部遷到舊金山展開新生活,5位「腦朋友」亦要努力幫佢應新環境,但阿樂同阿愁卻因一場意外,漂流至偏遠嘅腦海世界,迷失喺長期記憶區、幻想樂園、發夢製作公司、潛意識流域、抽象思考區等地。總部只剩番阿驚、 阿燥同阿憎當值,引發出一連串災難性事件!阿樂同阿愁必須及時喺腦海世界歷險闖關,以趕番總部收拾殘局,拯救「性情大變」嘅韋莉。

即睇電影預告﹕

展覽日期:2015年6月20日至7月19日

電影上映日期﹕2015年7月23日

 
內容延讀﹕

睇埋另一勁打耳動畫預告!Minions迷你兵團班底新作玩寵物

【率先睇show!】《迪士尼音樂劇》晒冷到港

There are 4 comments

Add yours

Comments are closed.