Signal創辦人Brian Acton棄8.5億美元分紅離開WhatsApp 全因不認同Facebook理念?

生活

廣告

創立Signal來打返自己創立的WhatsApp,可能好多人知,不過我唔知。原來近來爆紅嘅Signal Messenger的其中一個創辦人Mr. Brian Acton,亦係WhatsApp的其中一個創辦人之一。

授權轉載:The Rolodex|圖片:Unsplash、Signal官方網頁|原文刊於:經濟一週

Brian Acton不認同Facebook理念 毅然離開WhatsApp

WhatsApp於2014年被Facebook收購之後,Brian Acton因為不同意Facebook在客戶資料、廣告推廣方面不太尊重用戶私隱度的政策,而離開WhatsApp。如果Brian 選擇遲一年離開Facebook,佢將會多收8.5億美金(約港幣65.9億美元)的Facebook股票。

不過可能佢唔care,因為賣WhatsApp單deal佢賺咗30億美金(約港幣232億美元),點都好佢有骨氣,道不同不相為謀。

Signal創辦人Brian Acton不認同Facebook理念 棄8.5億美元分紅離開WhatsApp
WhatsApp於2014年被Facebook收購,Brian Acton因為不同意Facebook在客戶資料、廣告推廣方面不太尊重用戶私隱度的政策,最終離開WhatsApp(圖片:Unsplash)

Brian Acton創立WhatsApp原意為用家提供無廣告滋擾的溝通渠道

喺一個訪問當中,Brian表達咗佢覺得對唔住Whatsapp的用戶,皆因佢自己好唔鍾意廣告。佢創立WhatsApp,就係想畀用戶喺一個無廣告滋擾的環境下溝通。但最後,佢竟然把WhatsApp賣畀Facebook(全世界最大間用廣告來賺錢的公司)。

據Brian所講,佢曾經嘗試游說Facebook高層,把WhatsApp改為一個收錢的App。舉例,如果send超過某個數目的訊息就會開始收錢。不過Facebook的高層聽到就已經唔係太鍾意,所以佢嬲嬲哋之下就辭職走人。

Signal創辦人Brian Acton不認同Facebook理念 棄8.5億美元分紅離開WhatsApp
Brian Acton並唔鍾意廣告,當初創立WhatsApp,就係為用戶提供一個無廣告滋擾的應用程式,但最終卻將WhatsApp賣給以廣告營利的Facebook。(圖片:Unsplash)

Brian Acton曾因廣告問題 出走Yahoo!

其實10幾年之前,Brian喺Yahoo!打工的時候,亦都係因為唔同意Yahoo!喺所有版面都放廣告banner而辭職。 所以大家如果有機會同佢做嘢,就千祈唔好提「廣告」兩個字,如果唔係佢會辭職。

Signal創辦人Brian Acton不認同Facebook理念 棄8.5億美元分紅離開WhatsApp
圖片:Unsplash

Brian Acton以5,000萬美金 創立Signal Foundation

之後喺2018年,Brian Acton投放了5,000萬美金,用自己錢,創辦了一個非牟利組織:Signal Foundation,即係SignalMessenger的創辦組織。佢希望重拾WhatsApp的初衷,以免費、無廣告、最尊重客戶私隱的方式,來提供一個Messenger畀大家。Signal Foundation長遠的營運經費將會以自願募捐形式來籌集。

Brian講過一句:Facebook嗰班唔係衰人,佢哋只係好叻嘅生意人。

Signal創辦人Brian Acton不認同Facebook理念 棄8.5億美元分紅離開WhatsApp
Brian Acton創立Signal Messenger,是希望重拾WhatsApp的初衷,以無廣告、尊重客戶私隱的形式,為客戶提供一個免費的Messenger。(圖片:Signal官方網站)

上文已獲Telegram Channel The Rolodex授權轉載

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!

關鍵詞
生活