【禮拜六冇節目系列】PMQ DIY Hello Kitty 3D頸鏈

生活
CentralBlogger_NM

廣告

嚟緊8月英國少女Hello Kitty同朋友會一齊參與Sanrio年度盛事「Sanrio Game Master」，重有段時間先開始，但佢向來搞作多多，今次佢就同喺中環PMQ嘅3D Printing工作坊兼配飾店Dust Production合作，推出「Hello Kitty x Dust Production概念店」。入面除咗出售多款3D Printing嘅立體Kitty飾物之外，重有頸鏈工作坊，參加者可選擇以3D Kitty配件，隨自己喜好搭配，重可以設計獨一無二嘅小名牌。自用又得，送俾朋友亦得，日日出街都可以帶埋Kitty一齊，心情都好啲！

text-Jessie photo-Billy

頸鏈工作坊需時約個半至2小時，價錢係$690起，如果選用全身款式嘅Kitty，價錢就會貴啲啲。要預先打電話預約時間。
3D Printing製成嘅Hello Kitty配件，物料採用PLA，分別有Kitty嘅頭型或全身姿態。首先大家可以揀選自己鍾意顏色嘅Kitty頭或全身，再襯埋隻心水色嘅蝴蝶結，所有3D Printing嘅配件都有9隻色可供選擇。

揀好之後，就可以設計專屬自己嘅名牌。

然後主理人設計師Marco King Chan就會教大家點樣用軟件繪製名牌。

喺小名牌印製嘅過程，就可以揀定想要咩色嘅鏈，同埋將蝴蝶結同Kitty扣好。

 
內容延讀：

＞本週必CHECK！5大位已上潮牌新品

＞勁減32公斤！韓星朴寶藍力捧紙杯減肥法

扣埋鏈尾嘅扣，同埋小名牌，就大功告成。如果鍾意，可以再黐上閃石作點綴。重附送埋好靚嘅盒俾參加者入住件完成品。

所有嘅參加者重可以即時同件成品影張即影即有合照，貼入去證書入面，證明大家完成咗呢個Hello Kitty 3D Printing Creative Workshop，好有紀念價值！

除咗工作坊，Kitty粉重可以去店內購買頸鏈、戒指、耳環等Kitty飾物，售價係$249起。
值得一提嘅係，店內所有3D Printing嘅Kitty產品，都係出售嘅，例如相中嘅耳環架，不過每樣價錢就要查詢。

概念店外擺有隻70cm高，印咗600個鐘嘅Hello Kitty店長。歡迎各位Kitty忠粉去同佢selfie。

另外，重有多款紀念版匙扣可供tailor-made，可將自己或朋友個名印上去，打印時間約需30分鐘。$100起

Hello Kitty x Dust Production概念店
地址： 中環鴨巴甸街35號元創方PMQ H303室
時間： 1:00pm-8:00pm（星期一至日）
電話： 5400 4818（辦公時間內接聽）
網址：www.dustproduction.com/

 
內容延讀：

＞本週必CHECK！5大位已上潮牌新品

＞勁減32公斤！韓星朴寶藍力捧紙杯減肥法

香港有甚麼地方適合與閨密、情侶，一大班朋友去？

與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！

家居清潔有甚麼好方法？

家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！

There are 3 comments

Add yours

Comments are closed.

最高人氣 TOP 5