【Kobe】玩得貼地 蔗渣價錢非洲旅行團

生活

廣告

【旅遊生活大雜燴by Kobe】我們這一代香港人對非洲認識不算深,但90年代聽過Beyond的〈Amani〉,看過哥哥張國榮《金枝玉葉》中提到的非洲夢,對非洲可能亦有絲絲憧憬。不過,香港跟團去非洲10日唔夠,團費閒閒地3、4萬起跳,感覺「堅‧離地」。其實,想跟團去非洲亦可以玩得好貼地,當然「蔗渣的價錢、蔗渣的味道」,但對一眾苦行人士來說,非洲之旅已不再只是夢。

如果唔怕煩,自己上網報非洲團,價錢可以比香港平一大截,而且客戶服務亦跟得很足,去非洲旅行價錢就貼地得多。

香港報團去非洲貴,很大原因是冇得揀。行程下下帝皇式享受,奈何大部分人只是庶民,所以「非」遊總同我們有點距離。但如果肯自己花點時間上網搵搵(http://www.tourradar.com/),非洲在內等世界各地行程其實都大把選擇。以較為人熟悉的肯亞及坦桑尼亞團為例,香港報10日7夜團,平時要5、6萬港元,6-9月動物大遷徙期間更要8萬港元樓上。如果自己訂,同樣肯亞及坦桑尼亞團,15日行程全年一口價約2萬港元,已包食宿(酒店及營地)及導遊等費用,但不包括香港飛非洲的機票。

自己上網訂肯亞、坦桑尼亞15天團,即使動物大遷徙期間都係2萬幾港元,已包食宿(酒店及營地)及導遊等費用。

所謂「咸魚青菜、各有所愛」,我就選擇了個艱苦少少的行程,最大賣點是坐著Overland truck由東非肯亞首都奈羅比出發,一直向南非開普敦推進,合共穿越8個國家,全程合共52日,所以旅程不是打卡式到訪。基本團費約17,500港元,包大部分交通食宿,而途中到國家公園睇動物、跳降傘、笨豬跳、激流、獨木舟、騎馬、沙漠滑沙等活動,就自行決定是否自費參加。

這架就是Overland Truck,中文唔知點叫,但52日行程就坐住佢一直向西南方向走,向南非開普敦進發,途中playlist除咗要聽〈Amani〉,一定要聽埋《Searching for Sugar Man》電影soundtrack。

途中有不少自費活動可以選擇,報團後旅行社會俾定所有活動的價目表出來,自己計計數又諗諗想玩乜,都算有個預算。

行程價錢平當然有原因,第一,團費不包括香港飛非洲的機票,但現時有航空公司做非洲特價票,香港飛奈羅比來回連稅4,000元有找;第二,由於我選擇了艱苦團,行程中八成以上日子要自己紥營度宿,未必適合高床軟枕類人士,所以捱得到先好諗,。帳蓬、蚊帳、4吋床墊會由團方提供,但自己要帶睡袋、枕頭等個人用品。若果唔太適應露營生活,亦可補錢安排住HOSTEL。

行程大部分日子要紥營度日,旅行團會提供帳蓬、蚊帳、4吋床墊,可能要帶定鈣片補補條腰。

第三,我報的團其實比同類團再平一截,因為我們冇隨團廚師,團員要分工到街市買食物、煮食、清潔,我覺得可以當作生活體驗,但本身屬公主、王子命格的人就要再考慮清楚。不過,大家唔好俾我個團嚇親,因為單計非洲其實已經有200多個團可以選擇、可長可短、可貴可平、可做上等人亦可做苦行僧,總之「有得揀先係老闆」。

不少非洲團其實有隨團廚師,但我自己鍾意烹飪,又想試試體驗更多當地生活,所以參加了分工合作團,順道試煉下自己。

text-Kobe Wong

曾任職財經傳媒十多年

主理嘗滿‧SatisFactory私房菜兩年多

熱愛烹飪、熱愛旅遊、熱愛分享生活

識煮幾味又愛去旅行,同大家大雜燴分享一下

內容延讀︰

【Kobe】超難得體驗 瑞典Uppsala住300年歷別墅農莊

>>LIKE我們fb<<<
www.facebook.com/newmonday.com.hk

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!