【Kobe】「非」常刺激 平玩3大非洲戶外運動

生活

廣告

【旅遊生活大雜燴by Kobe】上次話非洲都啱鍾意戶外刺激運動人士去,半點都冇吹噓。唔少人覺得玩跳傘、Bungee jump、滑浪、滑沙全部似是澳紐的專利,但其實以地理環境計,非洲南部與澳洲緯度相若。你有沙漠、我有;你有高山峽谷、我亦有;你有黃金海岸、Bondi Beach來滑浪、我夠有南非、納米比亞的海岸線,同樣歡迎滑浪高手,但最大分別是價錢大不同。

先講「要贏人先要贏自己」的Bungee jump,澳紐與非洲的笨豬跳價錢差不多,都要過千港元樓上,但非洲勝在選擇夠多。津巴布韋及贊比亞之間的維多利亞瀑布,唔單止享有天然壯麗靚景,Bungee jump時風景明媚,瀑布下游兩旁峽谷,更為Flying fox、Canopy、Zipline及Gorge swing提供有利場地。好似我有腰傷跳唔到笨豬跳,仍然有其他選擇,可以在峽谷之間飛來飛去。另外,有瀑布、有峽谷,自然有激流,所以喜歡刺激水上活動人士,亦可考慮參加當地激流團。

津巴布韋及贊比亞之間的維多利亞瀑布擁有天然壯麗靚景,瀑布下游兩旁峽谷,更為多種高空活動提供有利場地。

我對空中活動情有獨鍾,適逢去到維多利亞瀑布竟然有Microlight玩,不是度度輕易有得玩,而且1,500港元有找,就算拍埋片都只係1,600港元多點,所以我二話不說報了名。我不太清楚Microlight中文譯名,但如果要形容它是甚麼,我覺得它就如一架飛得的電單車,鍾意飛的人一定一試難忘。

雖然本身已勇字行頭,但Microlight起飛一刻個心都的確離一離,咪話唔驚,因為上到空中真係好大風。不過,之後與德國機師吹水,原來他已來維多利亞瀑布12年,每日飛幾轉,既然他仍然健在,出事率應該唔高,我就安心享受飛翔感覺,更試過穿越維多利亞瀑布湧上來的瀑布霧,機師話這個叫「Kiss of angel」,寓意瀑布鍚了你一下。另外,又可在高空中俯瞰兩國國家公園中的動物。老老實實,冇畏高,真心值得玩,以我兩個月非洲行程中,這是最念念不忘的活動。

不是每個國家都輕易玩到Microlight,而且價錢唔算貴。如果大家冇畏高又夠膽大,去到維多利亞瀑布真心值得一試,強烈推介呀﹗

非洲另一熱門「飛行」活動,可說是到納米比亞跳傘。我今次冇參與,因為幾個月前才在新西蘭跳過,但有到場支持。一來,想看看納米比亞沙漠與海洋相連的世界奇景,二來又想支持下一位58歲的媽媽級團友跳傘。說實話,相比我在新西蘭的跳傘場地,這裡風景更靚;一看價錢,心裡更是酸酸的。因為以同級服務計算,約13,000呎高空跳傘,有教練加攝影師齊齊跳,新西蘭收4,000港元以上,這裡只是2,000港元多少少,足足可以慳回半張機票。

向來阿Q的我,呢度蝕了要在呢度賺番。好彩之前沒有在其它地方滑沙(Sandboarding),我要以玩Sandboarding感受這裡的超抵價。在澳洲Sandboarding閒閒地要700、800港元,這裡250港元有找,重包午餐及飲品,真係平到笑。至於滑沙驚唔驚呢?講真,就算在再高的沙丘滑落去都不是太驚……最驚是要途步爬番上山丘頂,因為爬完隨時得番半條人命。唔信?你可以試下。

同類服務級數的跳傘,納米比亞比新西蘭平成半,如何有意計劃跳傘之旅,的確可以諗諗。

同行58歲的媽媽級團友跳完傘著地一刻話感覺「fxxking amazing」,比sex更加吸引,薑果然係愈老愈辣。

玩Sandboarding有乜好怕?最怕要重重複複爬番上沙丘頂咋嘛﹗

text-Kobe Wong

曾任職財經傳媒十多年

主理嘗滿‧SatisFactory私房菜兩年多

熱愛烹飪、熱愛旅遊、熱愛分享生活

識煮幾味又愛去旅行,同大家大雜燴分享一下

內容延讀︰

【Kobe】「非」常驚喜 估你唔到非洲旅遊靚景

>>LIKE我們fb<<<
www.facebook.com/newmonday.com.hk

 

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!