BBQ技巧7式成為燒烤達人無難度!體驗燒棉花糖新食法、嚴選超高性價比燒烤場

生活

廣告

過了中秋節好快會有秋涼,呢個時候最好就係BBQ。同過年去拜年玩「魚蝦蟹」一樣,冇人會話BBQ悶!好多人自稱「識得燒嘢食」,不過燒得靚唔靚、好唔好食就係另一回事。唔想下下燒到嘢食變炭?今次教你7招輕鬆燒烤BBQ技巧,學定包你喺燒烤場上戰無不勝!

撰文:海月丨圖片:新Monday、instagram

新派BBQ秘技7式!燒棉花糖天材新食法!成為燒烤達人無難度

BBQ技巧 1. 薯片當炭精!極速透爐法

要BBQ?先決條件就係要有「火」,不過要享受優美嘅郊野環境,就唯有放棄有人「照顧」嘅燒烤場。不過並唔係人人都識得透爐,其實只要學識幾個小技巧,人人都可以「自力更生」,極速透爐!首先將廚房用嘅廚紙,將佢捲成卷狀,再用剪刀分開一半,再扭實,最後再點少少油。擺放炭嘅方法最2條直2條橫咁搭成「井」型,再層層的堆疊上去,炭與炭之間必定要留有空間,讓空氣流通。最後加少少薯片碎上去,然後點火,因為薯片含油份,將佢放入炭堆凹入,一燒就會著火,比炭精更易起火!

BBQ 中間剪一嘢!
(圖片來源:新Monday)
BBQ
薯片食少2塊冇咁熱氣,攞嚟「透爐」!(圖片來源:新Monday)

BBQ技巧 2. 薯仔加洋葱!燒烤網防粘法

起完爐,千祈唔好咁心急放嘢食上去燒住,因為火未夠猛好容易黐底㗎!特別係有啲人會比較鐘意用燒烤網,掃油本身係好方法,但啲油係咁滴落火爐,搞到個火猛晒,好易燒燶嘢食。教你燒烤前,切開生薯仔,用薯仔同洋葱抹一下網面,當中嘅澱粉質經加熱後就會形成一層薄膜,咁樣即使係燒魚都無咁易黐底,想燒乜都靚哂!

BBQ 搽住煲茶個friend,叉住嚟掃,easy!
搽住煲茶個friend,叉住嚟掃,easy!(圖片來源:新Monday)
BBQ 堅冇黐底,正過出面燒烤店㗎!
堅冇黐底,正過出面燒烤店㗎!(圖片來源:新Monday)

BBQ技巧 3 . 燒原個芝士!自制Cheese火鍋

呢個方法簡單又勁吸引,只要買件原個芝士擺喺爐邊「焊」溶,愛嚟點牛柳粒呀,丸呀,車厘茄咁,真係惹味到暈!係咪乜芝士都得?我哋請教咗Cheese BB嘅店主,佢話一定要揀軟芝士,例如Brie Cheese、Camembert Cheese同埋Gouda Cheese,通常買一個280g嘅小型芝士就夠2-4人食,唔好浪費嘛!

BBQ 張相已表達一切,我冇嘢補充!
張相已表達一切,我冇嘢補充!(圖片來源:新Monday)

BBQ技巧 4. 無醃唔緊要!燒烤要磚鹽

近來好多Camping露營嘅朋友,都會用「喜馬拉亞山粉紅岩鹽板」去整嘢食。其實拎呢塊岩鹽板去BBQ一樣得!同芝士一樣,只要放喺爐火邊「焊」磚鹽,跟手放啲食物上去!特別係一啲無醃嘅嘢食,例如茹類、海鮮之𥺦,咁樣鹽燒法就唔會食物搶咗食物原本嘅鮮味,又有咸味吊吊味,唉呀!總之就好味啦!而且岩鹽板燒完可再用番,不過千祈唔好用洗潔精洗啊!只要冷卻後用布加水抹走磚上嘅污漬咁就搞掂。

BBQ
某程度上我覺得呢舊喜馬拉雅山鹽係勁品味燒烤必備!(圖片來源:新Monday)

BBQ秘技 5. 唔叉先係王道!輕鬆燒多春魚

好多人都鐘意喺BBQ時燒多春魚,不過其實要燒出完美嘅多春魚,並唔使叉㗎!只要將多春魚平放喺燒烤叉上面,放在火上燒大約一分鐘,多春魚就會開始收縮。再燒多約一分鐘後,魚皮就會開始會痴住燒烤叉,咁樣就可直接反轉燒烤叉,燒熟另一面,而多春魚又可以保持完整唔會甩皮甩骨!

新派BBQ技巧7式!燒棉花糖天材新食法!成為燒烤達人無難度
(圖片來源:新Monday)

但一定要燒到微焦收縮,如果唔係嘅話就會……

BBQ技巧 6. 燒雞翼你都鐘意食?燒橫穿最易熟

好多人都鐘意食燒雞翼,不過需時又難烤得靚。雖然好多人都會教將雞翼打豎串起,不過其實始易會令受熱不均,而且叉得唔好後期仲會令雞翼轉唔停,只燒熟一面。正確方法應該將雞翼打橫串,串起厚肉,咁雞翼就可以輕易燒熟!

新派BBQ技巧7式!燒棉花糖天材新食法!成為燒烤達人無難度
(圖片來源:新假期)

BBQ技巧 7. 燒棉花糖天材食法!

喺日本就有網友將竹籤換成Pocky,插入棉花糖去用餘火烤。融化嘅朱古力加上微焦嘅棉花糖,係咪睇到都好想食呢?

燒過棉花糖嘅人,都知如果沒捉好時間同距離,棉花糖就會著火!發文嘅網民就俾咗個小貼士大家:
「要先讓Pocky嘅朱古力稍微加熱溶化後,再插入棉花糖燒!如果朱古力無融化就直接插入棉花糖,手拎嘅餅乾部分好易會斷」。

【#Chill好食】發明呢樣真係天才!近排終於有啲秋冬涼意,又係時候去BBQ!喺日本就有網友將竹籤換成Pocky,插入棉花糖去用餘火烤。融化嘅朱古力加上微焦嘅棉花糖,係咪睇到都好想食呢?燒過棉花糖嘅人,都知如果沒捉好時間同距離,棉…

Posted by 新Monday on Tuesday, 26 November 2019

嚴選超高性價比燒烤場

1.元朗 隱世山莊BBQ

位於元朗的隱世山莊,其實就是以前的大旗嶺燒烤樂園,環境有氣氛,尤其在晚上更有燈飾,場內特設多部冷風機,燒烤也可以舒舒服服的燒!更是仼飲任燒,供應超過50款食品及十多款飲品,除了基本的扒類、丸類和蔬菜外,還有大量串燒,連殼燒的鵪鶉蛋串燒、棉花糖配熊仔糖串燒都有!另外可加錢,早一日預訂海鮮。另有獨立Party房供預訂,有唱k和麻雀等設備,25位以上的Party房間更有桌球。

BBQ場有多部冷風機,總有一部在你附近!
BBQ場有多部冷風機,總有一部在你附近!(圖片來源:新假期)
BBQ 細party room。
細party room。(圖片來源:隱世山莊)
BBQ 大party room。
大party room。(圖片來源:隱世山莊)
BBQ 最近加入了新食品,如芝士菇、一口牛串等。
最近加入了新食品,如芝士菇、一口牛串等。(圖片來源:隱世山莊)
BBQ 海鮮要另外購買,早一天預訂。
海鮮要另外購買,早一天預訂。(圖片來源:隱世山莊)
BBQ 場內有大量串燒供應。
場內有大量串燒供應。(圖片來源:隱世山莊)
BBQ 棉花糖配熊仔糖,大家不妨一試!
棉花糖配熊仔糖,大家不妨一試!(圖片來源:隱世山莊)

2.屯門大欖燒烤場

3.西貢25,000呎海景燒烤場

4.大美篤 港式燒重慶燒

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!

圖片來源:新Monday