那些年,勾起你暑假回憶的8種事物

生活

廣告

來到8月尾,暑假已到尾聲,學生還有幾日就要開學,但是對於打工仔來說,暑假也一樣要上班。一年容易又過,學生時代好像跟自己愈來愈遠,放暑假已是很遙遠的事……每次遇到以下的事物,都會想起暑假回憶,又再覺得自己老多一點,你又有沒有這種感覺?

text-betsy photo-網上圖片

1. 「參考」暑期作業

暑期作業可說是暑假最悲慘的事,明明放暑假,為甚麼重要做作業?於是,小編以前都是留到暑假最後一刻先做,通常都做唔晒,然後返學校「請教同學」,再「參考參考」!

2. 最怕放榜

每年放榜都在8月頭,想當年小編考完CE和AL,放了一個漫長暑假,直到放榜當天才回到現實世界。而家聽到DSE放榜、排JUPAS……嗚~~中學真的離我好遠了!

3. 「賣唔賣書呀?」之二手書

7、8月份的旺角地鐵站出口,總站滿買賣二手書的人,以前為了賺返啲錢,小編都會和同學攞住超重的書去賣。

而家每當有人問小編:「賣唔賣書?」時,都忍不住沾沾自喜。仲叫我買二手書,證明小編個樣仲好後生,嘻嘻!(同事說,可能人哋想問我幫唔幫個女賣書!)

4. 返鄉下

每年暑假,總會聽到有幾個好朋友話要返鄉下,然後就會話:「吓,咁咪有排搵唔到你囉!」雖然放暑期係開心,但冇fd子嘅日子又真係好慘豬!(如果你唔使返鄉下的話)

5. 暑期活動班

暑假做咩好?當年最多人參加的,一定是游泳班,所以每次在街上看見帶着相同泳帽、拿着浮板的小孩,都好掛住小時候學完游水,再吃下午茶的日子。

6. 窮遊

上到大學,身邊幾乎每個同學暑假都一定要去旅行,平有平去、貴有貴去。但如果沒有太多錢,又想去遠點的地方,特別是歐洲,窮遊是每個學生必經的。住hostel、捱杯麵、找其他旅客夾租車……你有沒有試過?

7. Ocamp

每次見到一班着住一樣T-shirt的男女,在地鐵站、大街小巷跑來跑去,就知道又到那些年的ocamp日子,記唔記得嗰啲有味ocamp遊戲呀?小編在街上見過最爆的跑hunt活動是,一班學生在地鐵站圍住一條柱,邊唱歌邊扮旋轉木馬!

8. 唱通宵K/打機

難得成個月唔使早起身,通常都會勁夜先瞓,唔係通宵打機,就係約埋成班同學去唱K,通常去食晚飯buffet直落唱到天光先返屋企!

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!

關鍵詞
暑假回憶