2米鹹蛋超人身價$88,000

生活

廣告

銀河唯一的秘密,天際最強人物~~~~~

冇錯,鹹蛋超人嚟喇!
今年係鹹蛋超人誕生50週年,為咗慶祝,日本會搞鹹蛋超人亞洲巡迴展,第1站就喺香港舉辦!由即日起至3月22日,成班鹹蛋超人家族由M78星雲飛到銅鑼灣,全場焦點除咗Pop-up store會有2米高限量版超人迪加同巴魯坦星人發售外,喺Hysan Place重有隻6米高嘅超人Zero守住大門,為香港市民打氣,擊退奴隸獸!

text-Oscar photo-Yuk

冧盡老中青

初代鹹蛋超人喺1966年面世,由日本特攝片專家圓谷英二及其團隊「圓谷製作」創作,內容係講述嚟自M78星雲嘅宇宙警察嚟到地球打怪獸。當年喺日本嚟講,呢啲特攝片係電視劇上嘅重大突破,一出街即令每個日本小朋友瘋狂,其後推出嘅七星俠、超人太郎、超人Ace等等令熱潮繼續。1995年,為咗紀念鹹蛋超人誕生30週年,團隊創作以3段變身嘅超人迪加吸引新一代小朋友,令鹹蛋超人系列長做長有,冧盡老中青3代。

雖然話鹹蛋超人面世已50年,其實設定中,大部分超人都已經過萬歲,其中超人Noa重「老到」35萬歲添!至於今次展覽主角之一嘅超人Zero,都有成5,900歲。 今次呢位喺2009年首次登場嘅正義朋友,就以6米高嘅姿態,喺Hysan Place啟超道入口同大家見面,佢亦係成個展覽最大型嘅超人裝置。

銅鑼灣變戰場

場內嘅裝置係成個展覽嘅焦點:2米高嘅超人迪加同2米高巴魯坦星人。為咗配合打鬥場景,商場同創作團隊設計咗個銅鑼灣街景,同實景非常相似。睇完唔夠喉,你重可以帶佢哋返屋企!事關呢2款巨型figures會作50隻限量發售,大家喺會場預購,約2星期就會收到貨。不過售價分別$88,000同$98,000,真係要夠「銀彈」,重要有位擺!

香港背景限定精品

除咗2米高figures外,今次展覽重有多件會場限定精品公開發售,除咗有figure玩具,亦有實用物品,包括同香港郵政合作嘅紀念郵票,但我諗大家都唔會捨得用佢嚟寄信囉。

 

超人銀河銀河火花槍 $340

超人銀河嘅武器,買返去扮下超人,自我陶醉一番最開心。

 

鹹蛋超人figures 各$55

買唔起2米高超人,可以帶隻12吋超人同怪獸figure返屋企,只係幾十蚊,多多都買得起!

 

香港限定超人家族tee $228

3個Q版超人,加上香港限定,着住去日本包你成為焦點。

 

香港限定超人vs怪獸tee $268

以香港做圖案背景,勁有親切感。

 

Ultra Heroes郵票(12個裝) $238

同香港郵政合作嘅通用郵票,內有12個$1.7郵票,不過你捨唔捨得用先?

Ultra Heroes文件夾 $28

九宮格設計嘅file,係最簡單又實用嘅精品。

Ultra Heroes at Hysan Place & Lee Theatre展覽
日期:即日起至3月22日
時間:10:00am-10:00pm
地點:銅鑼灣Hysan Place及利舞臺廣場
查詢:hp.leegardens.com.hk

 

伸延內容:

中大仔拍短片 喚醒港人

高科.單輪.無柄 新版 Segway 殺入香港

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!