日本DAISO 100yen店店員推介10件必買「方便小道具」

撰文：主場・日本 圖片：電視截圖

原文轉載自 新假期

日本DAISO 100yen店方便小道具排行榜

第10位：「老笠」電池轉換器

除了無線mouse、無線keyboard及搖控器，其實我們都很少使用電池。基本上2A及3A電池都會在家有「存貨」，但偶然有些小電器會用上「奇怪」（較罕見）的電池，如C或D電池，既難買價錢又貴，有了這套電池轉換器就方便得多，可以將2A電池轉為C電池，多套一層，再轉為D電池。節目出街之後，很多日本人在網上留言表示這件小道具應該排第一！

可以將「単3形」（即2A電池）轉為「単2形」（即C電池），再多套一層，便由「単2形」轉為「単1形」（即D電池）！

店員：「有了這兩個，便不用花錢多買幾種電池放在家。」

第9位：「鑽入你心」檸檬噴霧

這個在日本已經流行了一陣子，因為實在太好用！只需將像螺絲的部分鑽入檸檬個心，便即時變身「檸檬噴霧」！直接噴在食物上，又平均又乾手淨腳。BBQ季節又到，喜歡燒烤的朋友好應該買返個！

用法簡單，只需切去檸檬頂部一小部分，便可以直接鑽入檸檬內心深處！

「原個」檸檬使用，乾淨又方便！

第8位：「夾你個頭」盒裝牛奶專用夾

一般香港人屋企廚房都比較細，所以連雪櫃都唔敢買個大少少！雪櫃門個架永遠處於「常滿」狀態，沙律醬、蠔油、烏冬醬汁……支裝烏龍茶及可樂可能已經要平放，想買盒果汁或牛奶都唔知點好！呢個「夾」就最幫到手，夾完可以平放又有「開關裝置」，方便到暈！

用法非常簡單，只需套在已開封的牛奶盒上便可。

用了之後可以平放！

有開合裝置。

夾住都可以倒牛奶！

第7位：「手指不再痛」矽膠購物手挽

這條我覺得好似薯條的東西，原來是為超市購物狂而設計！如果一次過又買米又買油又買罐頭，拎起來手指都痛入心！雖然購物袋沒有膠袋那麼「𠝹手」，但有了它可以更減輕痛楚，我認為可以跟購物袋一set推出發售！

用法很簡單，只需把膠袋放入「手挽」內便可！

有了這個，買得過了火都不怕，特別適用於去BBQ的時候！

第6位：「刀工零分都可以做廚神」切葱𠝹刀

有了這個，人人都可以成為「米芝蓮大廚」…… 就算味道未能摘星，賣相絕對可以幫到手！煮中菜西餐未必用得著，但做日本料理就可以大派用場，因為經常都會加葱絲去點綴，有了這把𠝹刀便可以切得又快又整齊。

方法超簡單，用𠝹刀在葱白部分𠝹幾刀……

…… 再用普通刀一刀切下，即成！

第5位：「懶女人必備」超細纖維拖鞋（300円）

這對拖鞋，擺明是為懶女人而設，穿上它在屋企行來行去，便可以同時抹地，一舉兩得，更可以在家「扮溜冰選手」！

懶到…… 可以站著清除角落頭的小塵埃！

間中可以換個方式去打掃屋企，例如，扮溜冰！

第4位：「慳錢專家」牙膏夾

我估，由（支裝）牙膏面世之後，世人都為了「如何能用到最盡頭」而煩惱！其實近十幾廿年，坊間都推出過不少類似的小道具，似乎這個最好用又最靚仔！

只需把牙膏尾部固定在裝置內，再用手扭動旁邊的圓蓋，便可以吱出牙膏……到最後一滴為止！

還附送吸盤掛鈎，方便吸在玻璃、鏡或牆上。

第3位：「鞋櫃劏房」簡單收納鞋架

「我很醜，但我很實用！」這個鞋架，賣相設計實在太差，但7蚊個，可以增加鞋櫃的收納能力，而且可以排得很整齊，本人認為，香港人應該覺得這個才是No.1！（雖然波鞋、boots都放不下！）

啲鞋就係咁樣放！

好整齊，收納力多咗一倍呀！感覺太似劏房！

第2位：「用到最後一滴」吱吱樽

因為日本流行使用一包包「補充裝」的洗頭水、沐浴露，所以通常都會倒入膠樽使用，而這個吱吱樽的底部是漏斗形設計，方便用埋「最後一滴」，跟第4位的牙膏夾同樣是慳家必備的小道具！

底部是漏斗形設計……

…… 方便用埋「最後一滴」！

第1位：「永不失手」微波爐玉子燒小盒子

香港人或許會感到意外，但對於每日都要整便當的日本人來說，有了這個小盒子，的確可以節省不少時間，以及100%煮出賣相OK的玉子燒！最近年輕人為了慳錢，愈來愈多人開始「帶飯盒」，不妨試試這個有幾work！

製法：1. 將一隻蛋加一湯匙水放入透明的容器內拌勻。

製法：2. 放入500W的微波爐加熱40秒。

製法：3. 放入「鰹魚粉」（香港人可以改用雞粉）拌勻，放入微波爐再加熱40秒。

製法：4. 將黃色的容器放在蛋上一分鐘作固定。

固定後倒出來即成！

切開之後，更加靚仔！比起用鑊煎更方便！

內容延讀：
現在日本人都愛這間！東京超紅「水果蛋糕」用料多到唔使錢？
>> LIKE我們fb <<<
fb.com/newmonday.com.hk