速試黑啤煲飯

生活

廣告

電飯煲煮飯好hit? 飯煲本來就係煮飯,不過大家近排鍾意用佢嚟煮啲意想不到嘅飯,變得好好玩。

好似前排有番茄飯風潮,令一眾懶入廚房嘅宅男宅女變身做「Cooking Mama」。近日更有唔少日本人用黑啤代替水去煮飯,味道究竟係點?《新Monday》即滿足你嘅好奇心,試整俾你睇,買多兩罐黑啤,飲住睇片,之後再跟煮啦﹗

Text-William

日本人瘋煮黑啤雞肉飯

煮法
1. 首先將材料準備好,將雞肉切成丁。
2. 將所有材料放入飯煲,攪幾下。
3. 最後梗係蓋埋煲蓋同記得按下煮飯掣。
5. 等佢煮好,再等多10分鐘,焗一焗,收收水,食得!

食後感
試煮好幾次,先煮得出自己滿意嘅飯,整體味道唔錯,因黑啤本身嘅麥味同甜度令個飯好香,只係賣相睇落似豉油炒飯。而冇醃過嘅雞肉,入口反而更有啤酒香。

 

黑啤窩蛋牛肉飯 重正﹗

煮法:
1. 先準備好材料。
2. 將白米、粟米、鹽、雞粉、黑啤放晒入飯煲攪勻。
3. 飯煮熟後,加入肥牛片,再打隻蛋喺中間。
4. 再焗多5分鐘,等肥牛熟咗,蛋又熟熟哋,食得!

食後感
牛肉比雞肉更好味,因為肥牛味道夾D,油香更盛。不過蛋煮得過熟,建議先加肥牛焗2分鐘,再落雞蛋焗3分鐘,咁就有半熟蛋撈飯食。

煮飯心得:
1. 黑啤出名多泡,開嘅時候敬請小心。
2. 黑啤麥味較重,煮嘅時候香氣好重,會令到你更肚餓,小心。
3. 重口味人士可加多啲雞粉,多至匙半,一定夠味。
4. 用打邊爐嘅肥牛更夾,煮到咁上下打隻蛋,食到你lam lam脷。

5. 電飯煲料理,創意無限大,材料覺得啱味就放入去啦!

後記:
小編其實好想試下落甜度較重嘅水果啤,再加乳酪,再加雪糕,做個甜品。係咪有得諗先?放心,我好多年前就有「地獄廚神」嘅稱號。

 

營養師推健康版
黑啤雞飯hit到營養師吳耀芬即時喺佢嘅blog分享呢款飯嘅營養價值,更教路點煮健康版本。想跟風又要健康嘅,跟佢轉用冇皮鮮雞脾肉,可減少使用味精,而黑啤轉用黑麥汁,冇酒精,又有蛋白質。

即學健康版

 

睇埋日本人點煮啤酒飯

 

伸延內容︰
治癒系最高之韓國拉花cafe

常見問題

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!

YOU MAY ALSO LIKE ...