葵涌食乜好 飯局潮食熱點

text: ivy photo: wing, twotung (presented by新都會廣場)

潮食心型layer Pizza

未入座又被門外Running Man MC Oppa 劉在石吸引住，原來呢間由Oppa代言嘅炸雞店熱爆全韓國，當地有5百幾間分店，香港分店跟足韓國配方，貫徹韓國直送醬汁調味，仲有10幾款炸雞選擇。最新加推韓國芝士Pizza，用了全港獨有韓國人氣IMSIL三重芝士，外層極鬆化芝味濃郁，食落夠有驚喜，早一日打電話就可特別訂製成心型形狀pizza，呃like同好食指數爆晒燈！

NeNe Chicken

新都會廣場 1樓 185號鋪

法式人氣café

行到累見到呢間充滿法國風Café，香噴噴咖啡同麵包香即時二話不說入座歇一歇，兩款主打法包全部用法國麵粉，及Traditionelle方法發酵而成，分別需時24及48小時，真正法式口味。玉米薄餅亦是店內必食signature dish，脆卜卜餅底同餡料超夾又有火花，再配埋自家調製mocktail果汁，清新又夠fresh。

Passion by Gerard Dubois

新都會廣場 1樓107號鋪

葵涌食乜好 人龍渋谷拉麵

嘩，離遠已見到排滿人龍嘅鹽湯拉麵店來自東京渋谷，兩款招牌塩湯湯底，用大量新鮮豬骨、雞骨及大量香葱，以超高壓力鍋每日熬成精華，湯底呈奶白色，仲會加入辛辣、味噌、辛辣味噌或黑蒜油演變出十幾款口味，麵條全由日本空運到港，難怪喺東京大受歡迎，特別係日本女士們仲話食出健康、美顏嘅味道添！

俺流塩 ら ー め ん

新都會廣場 1樓117號鋪

葵涌食乜好 小丸子限定咖喱飯

仍然懷住份少女心嘅jm們，見到小丸子恭候門外是好難抗拒的！正宗日本咖喱屋嘅限定Café主題小丸子，除左將成間餐廳化身做3年4班班房外，食物質素絕對唔差，沿用日本正宗甜咖喱口味，而且賣相超超超kawaii，拎定手機selfie先入門啦！

Izumi Curry Grill

新都會廣場 1樓109號鋪

星馬潮食風味

東南亞嘢食唔一定係沉悶選擇，以新派創意做賣點的星馬菜，環境舒適夠大，仲有outdoor露天茶座，最近加入泰國元素，既有娘惹菜式、喇沙、沙嗲串燒、辣椒炒蟹等，更加有意粉出現，相信令你同班閏密們都有意想不到嘅驚喜。

少爺18

新都會廣場 4樓410號鋪

潮食爐邊烤蛋始祖

若然想同好友分享烤肉滋味，唔可以錯過韓國爐邊烤蛋始祖嘅BBQ，喺韓國擁有超過430間分店，1++韓牛、調味醬汁、醃料全部由濟州直送到港。燒肉以外選擇，仲有不少傳統韓食，特別推介韓國特色甜品豆粉雪花冰，食完一輪燒肉後再分享呢大杯甜品，熱氣全消呀。

新麻蒲 BBQ

新都會廣場 1樓 185號鋪