荃灣必食!33種口味 肉餅哥 蝦膏蟹蓋、金沙蛋黃肉餅你試過未?

生活

廣告

一講起肉餅,大家或者會即時想起元朗的「屏山老地方」,不過今次想介紹的「肉餅專門店」,是位於荃灣,開業大約半年的肉餅哥。記得第1次經過店面,一向愛食肉餅的小編,已被肉餅哥這個名字深深吸引,奈何每日收工太夜,肉餅哥已關門,直到早兩天放假,終於有機會一試,而且更屬值得推介的質素,一定要開心share!

text&photo -aMan(ig:amanachiu)

33種口味任揀

老實講,33種口味,實在花多眼亂,然而對小編來說,樣樣都是吸引,好像有最基本的鮮魷肉餅、鹹魚肉餅、蓮藕肉餅等,較得意的有老干媽肉餅、桂花蜜糖肉餅……真係唔知試幾多次先食得完咁多種味道。

當日小編是晚飯時間去,點了金沙蛋黃肉餅和蝦膏蟹蓋肉餅,不過蟹蓋賣晒,以蟹棒代替,又多一重口感。

可蒸或煎

基本上所有肉餅都可以選擇蒸或煎,煎就香口,蒸就較為juicy 及肉味濃。而晚市套餐有3種價錢,$58、$68、$98,配老火例湯+白飯/粥/米粉,不過小編就推介加$2轉菜飯(另有油飯),味道更match。

限定肉餅漢堡

除了肉餅飯餐,另有期間限定的4款口味肉餅漢堡,$74有湯有薯角,今次未試到,已決定下次試這個!

高級版肉餅

店內還有幾款較為「高級」享受的肉餅選擇,如黑松露肉餅、鮑魚肉餅、龍蝦肉餅等,更有肉餅哥特別推介的足三兩花膠肉餅,見到隔離台實物都幾足料!

肉餅哥小炒料理

地址:荃灣聯仁街28號康睦庭園地下3號舖

電話:2886 8478

營業時間: 11:30–17:00, 18:00–22:00

 

內容延讀:
留住温度!利小館首創中菜自動上菜服務 10秒即送到!
>>> LIKE我們fb <<<
fb.com/newmonday.com.hk

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!