【新蚊生活百科】嚴選10個過氣潮語 原來以前講嘢係咁「Kai」！
撰文：生活小神仙丨圖片：劇照、高登
編輯部嚴選10大過氣潮語
1.Kai
用嚟形容人哋傻吓傻吓同低能白痴，來源於國語入面嘅「凱」字。無論係「Kai Kai地」定係「Kai子」都係以前喺同學間成日會講嘅潮語。
例句：你個死Kai子點會夠我打呀？我一拳打到你飛上天啦！（小學雞聊人隻揪Mode）
2.屈機
屈機一詞本身係用於打機上嘅術語，形容嗰嗰人打機好勁咁解。後來慢慢就多咗人用呢個字喺日常生活中，用嚟解作對方真係好勁嘅意思。
例句：嘩牙明你跑步屈晒機喎，仲快過Form 6嗰嗰高佬華！
3.O咀
O咀就名符其實動作就係口部變成O形，多數就用嚟表達驚訝、驚喜同無奈等等。
例句：我聽到牙明同欣妹一齊個吓真係O晒咀囉！
4.去Wet／蒲
呢個字可能90後會聽得少啲，即係出去消遣同埋玩咁解。依家大家都普遍用「去邊度Hea」，而冇再用去Wet／蒲啦～
例句：喂欣欣，星期六不如出MK Wet吓啦！
5.做乜「勁」
只要你有玩過高登就會知有個叫「懷舊模式」嘅嘢，只要開咗之後就可以將所有粗口都變成其他字代替。而個「勁」字就係用嚟代替個「9」字，有排俾人瘋狂用呢個字。無論去到邊做緊咩都會問一句：做乜勁呀？
例名：你做乜勁呀，係咪唔識打波呀！
6.向左走向右走
同樣出於高登「懷舊模式」嘅潮語，用向左走向右走去取代個「L」字，通常都唔會講出口，而係打出嚟，因為講出嚟都真係有啲長…
例句：（MSN Mode）陳Sir真係好向左走向右走煩，又叫我哋成班罰炒！真係痴向左走向右走線！
7.著咗
呢個「著」字唔係解真正著衫，而係解「個人好似俾火點著咗咁」，通常都係啲人發脾氣時就會用呢個字，代表自己真係好嬲呀！如果真係更嬲，可以加多個助語詞，變「著L咗」！
例句：嗰日隔離班陳仔無啦啦撞我，我真係著咗囉，幾想一拳打死佢呀！
9.Chok
連林峯都出過一首叫「Chok」嘅歌，就知呢個字當時幾紅啦。Chok係用嚟形容啲人懶係型咁，將最型最靚仔個面Show俾人睇。通常用於形容男仔。
例句：嘩你睇吓牙明，Chok到咁恆，實係準備去溝女啦！
10.𤓓臭
「好大陣𤓓味，轉入我的鼻」，又係一個連歌都有埋嘅潮語「𤓓臭」，用嚟形容啲人唔小心出醜。小學雞時期真係勁Hit！
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
