一個月激減10KG引熱話! 韓國BTS粉絲自創「模擬演唱會減肥法」

生活

廣告

對於一眾貪靚嘅女士們,最邪惡嘅節日永遠都係新年,又年糕又煎炸食物,真係想唔肥都難。不過最近有韓團BTS粉絲喺韓國網站上引起熱話,話說呢位粉絲自創咗一個「模擬演唱會減肥法」,仲親自實測一個月減咗10KG,效果超級驚人!各位女士們,係咪即刻想知點減先?

撰文: K.P.|圖片來源:BTS@YouTube、BTS@twitter|編輯:海月

BTS(防彈少年團)嘅舞蹈不嬲以高難度同高體力化見稱
BTS(防彈少年團)嘅舞蹈不嬲以高難度同高體力化見稱

呢個「模擬演唱會減肥法」,簡單嚟講就係模擬韓團喺高壓下,完成一場3個鐘嘅演唱會!實際係點做?首先你要FF自己變成韓團成員,各揀一個Rapper同一個Vocal,以該名粉絲為例,佢將自己想像為BTS嘅SUGA(閔玧其)同柾國,然後喺YouTube或其他串流平台準備一個完整演唱會嘅播場清單,然後,就係從頭由尾認認真真咁跟住唱跟住跳!

一個月激減10KG引熱話! 韓國BTS粉絲自創「模擬演唱會減肥法」
「模擬演唱會減肥法」,簡單嚟講就係模擬韓團喺高壓下,完成一場3個鐘嘅演唱會!

 

由於係要完美咁「模擬」呢場演唱會,呢3個鐘入面所有嘢都要跟足,「成員」幾時停落嚟飲水,又或者幾時係Talk Time先可以跟住休息,就算係非舞蹈曲目,都要跟住一齊唱,甚至係播片過場或者成員嘅Solo Time,亦都要扮換裝,就係要模擬果種高壓狀態。唔單止咁,喺「模擬演唱會」嘅兩個鐘前,就要停止進食,如果連續進行呢個減肥法,就需要好似柾國一樣喺演唱會前一晚,夜晚只能夠食兩條香蕉,要跟足真實演唱會嘅劇本進行,絕對係挑戰極限!

一個月激減10KG引熱話! 韓國BTS粉絲自創「模擬演唱會減肥法」
由於係要完美咁「模擬」呢場演唱會,呢3個鐘入面所有嘢都要跟足

呢篇Po文最初發表喺instiz,然後被轉發至「The Qoo」論壇後,迅即引起一眾網民嘩言,唔少網民都佩服呢位BTS粉絲嘅減肥大法,甚至留言話:「我曾經睇YouTube想學BTS嘅舞蹈,但3分鐘後就投降,覺得肌肉快死掉!」、「一諗起《Dionysus》同《Not Today》呢兩首歌,我已經想暈。」等等 。

最後呢位韓國BTS粉絲靠住呢套「模擬演唱會減肥法」成功減咗10KG,並將第30日嘅「模擬演唱會」當成引退演唱會,各位女士們又會唔會想挑戰一下呢?

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!