【深圳一日遊】深業上城最新大型商場 必去喜茶、京盛宇、無印良品旗艦店！
撰文：Cynthia@新假期周刊｜攝影：Man
深圳深業上城 最新大型商場
MUJI Hotel的所在地–深業上城商場2018年新開，目前有不少店舖都未開，只有商場北區開得七七八八，如果想等佢開晒先去，建議可以新年再去玩！深業上城商場預計將有會300間店舖進駐，劃分為生活體驗街、適合打卡的Loft小鎮、時尚購物街等，室外及室內都有店舖，全部開晒的話一日都未必行得完！
深業上城
地址：深圳市福田區皇崗路5001號深業上城
營業時間：10am-10pm
前往方法：地鐵3號線蓮花村站，步行約15分鐘
要快閃深圳，仲要輕鬆上網，梗係咩都唔使搞就最好啦！
唔使換電話卡同租Wifi蛋咁麻煩啦！ 而家csl數據漫遊平均每日$37起，畀你用足24小時， 仲包高達 HK$300,000 海外意外保障𠻹*！即刻打 2888 2123 或去csl專門店可以申請喇～詳情：
1. 來自台灣的好茶 京盛宇
說到台灣的飲品，首先想到的一定是手搖飲料。近年台灣人越來越重視健康，各種不加入添加物、現泡的好茶就成為了新潮流。來自台灣的京盛宇，就是一間堅持做好茶的店舖，在台北擁有3間分店，每間都大排長龍，深業上城是台灣以外的第一間分店！
開幕第一日同樣有很多人來朝聖，老闆林昱丞堅持每一杯茶，都是用即場泡製，由秤重開始，每次都要用好幾分鐘，重複一樣的步驟沖泡，現沖的茶帶有茶葉本身的甘香，沒有任何添加劑帶來的怪味。
店舖可以買到京盛宇從世界各地搜集而來的台灣好茶，罐裝及茶包裝都有。京盛宇近年與微熱山丘合作，推出不同的茶葉鳳梨酥禮盒。深圳店還可以買到微熱山丘的鳳梨汁，以後在深圳都可以買到台灣手信了！
京盛宇
地址：深圳市福田區皇崗路5001號深業上城小鎮L3層T3075舖
營業時間：10am-10pm
2. 打卡一流輕食店K.STRAWBERRY
深圳近年超多文青Cafe，吸引不少香港人去hea足一日。K.STRAWBERRY店內非常寬敞，座位夠多可以坐足一個下午，輕鬆一下影幾張文青相。
店內主打輕盈小食，士多啤梨塔、泡芙等賣相精緻，食起來也不會過甜。特色飲品包括汽泡咖啡、熱果茶等，樣樣都色彩繽紛，更有唔少漸變款影相一流，選擇夠多！
K.STRAWBERRY
地址：深圳市福田區皇崗路5001號深業上城小鎮L3層
營業時間：10am-10pm
3. 大熱芝士奶蓋 喜茶
每次香港人上深圳一定會飲返杯芝士奶蓋，喜茶絕對係必飲！一杯要成30港幣其實一啲都唔平，但奶蓋確實夠出色，略鹹的芝士味有成2寸厚，過好耐都唔會融！
另外水果茶都係必點之一，大大杯有足料水果，飲完仲可以食埋水果夠健康。
而深業上城分店有埋唔係間間分店都有的布甸，抹茶、榴槤、朱古力3種口味，必試！
喜茶
地址：深圳市福田區皇崗路5001號深業上城南區一期三樓T3078號舖
營業時間：10am-10pm
4. 麵包控最愛 奈雪の茶
深圳茶其實除咗喜茶，仲有好多奶蓋選擇，有不少網友都表示奈雪の茶的茶底比喜茶更香更好飲，而店裡的鎮店之寶仲有麵包，大大個超軟熟，店員會幫你切好，夠方便！
奈雪之茶
地址：深圳市福田區皇崗路5001號深業上城南區B1層M11號舖
營業時間：10am-10pm
5. 獨立品牌 高質家具梵几
對於Made in China，好多人都好有保留，但近年中國有不少自家品牌都致力於品質上的改良，來自北京的梵几是很多明星都搶購的家具，所有都是老闆古奇高所設計。
由獨立品牌逐漸發展成現今為人熟知，其桌椅全部用實木製成，遵從木材的特質，不加一粒螺絲，精心雕琢而成。
梵几
地址：深圳市福田區皇崗路5001號深業上城南區一期三樓L3層T3062舖及L4層T4006舖
營業時間：10am-10pm
6. 精品超市 大掃最新日貨Ole’ 超市
去旅行的指定行程，必定係行超市，最平最抵最多樣產品！深業上城內有超大間的Ole’ 超市，有水果、魚生、零食、護膚品、廚房用品等應有盡有！
裡面有不少香港都未必搵到的產品，像是2018年日本限定可樂、大阪限定零食等，另外還有來自台灣、韓國、法國的產品，想盡情掃貨不能錯過！
7. 無印良品旗艦店 自選刺繡
深業上城內仲有超大間無印旗艦店，仲有香港未引入的刺繡工坊！客人只要購買指定無印產品之後，就可以即場自選刺繡，3個字以內收費RMB30，選擇指定圖案每個RMB10，而自繪圖案8cm x 8cm就要RMB230，要整DIY簡單做手信唔使响日本做喇！
其他大牌子進駐
除了上述的店舖外，仲有好多大牌子進駐，包括Nike、Sony、英皇戲院等，開齊晒所有店舖的話，要行足一日都無難度！
深業上城 前往方法
深業上城與最近的地鐵站蓮花村站大約是2公里的距離，步行過去起碼要15-20分鐘，好在與皇崗、福田口岸都算近，從皇崗口岸坐的士10分鐘內就到，實測車費才RMB17，唔使諗啦。而福田口岸搭的士大概亦只需10分鐘，RMB22.5車費，如果想去玩，建議搭的士最方便！
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
