洗眼鏡

錫住你副鏡 學識正確洗眼鏡方法

生活

廣告

年廿八洗邋遢,你副眼鏡幾耐無洗過呢?其實眼鏡咁貼身,又點可以唔徹底清潔呢?若用錯方法清洗,鏡片就可以Bye Bye先,所以今次為大家檢閱4種洗眼鏡方法︰眼鏡布、牙膏、清潔劑、洗眼鏡機,睇下邊種方法最啱最方便。

(Presented By Smartclean)

Text︰YY

洗眼鏡:4種方法大檢閱

平時洗眼鏡,功夫唔可以懶,因為配戴時會沾到空氣中灰塵、接觸到面上毛屑、整髮用品甚至睫毛膏,加上鏡片鏡框污糟咗會影響視線清晰度同外觀,更嚴重嘅係有機會令眼睛受細菌感染,所以眼鏡最好每日清潔一次。

1. 眼鏡布

一般大家會用眼鏡布抹拭鏡片,但呢個方法係唔啱。因為鏡片上可能有沙塵,若直接用眼鏡布擦拭,會刮花鏡片,而且,灰塵及油脂好難抹走,擦拭後污漬面積更大。眼鏡布其實真正用途係用嚟包裹眼鏡。

2. 牙膏

牙膏被視為坊間清潔小秘方,對去除及清潔各種污垢有明顯功效,原因內含潔淨成分,同時亦有微細粒子。如作鏡片清潔,同樣會刮花鏡面,真係得不償失。

3. 清潔劑

洗潔精、番梘、沐浴露、潔手液,邊類你會選擇呢?當中以洗潔精去油力較強,較適合洗走鏡片上油脂,但依家鏡框質地及款式眾多,可能會造成損壞。

另外,鏡片大多含有「多層膜」構造,番梘、沐浴乳或潔手液內含嘅物質會對鏡片造成破壞,再者家中用嘅潔膚液增添唔少保護皮膚成分,例如甘油等,會殘留喺鏡片,而番梘本身質地又容易卡住鏡片縫隙,又點會洗眼鏡洗得乾淨呢?

4. 家用洗眼鏡機

相信大家都試過喺眼鏡舖洗眼鏡,透過超音波震動帶走污垢,尤其係暗藏鏡片與鏡框縫隙或螺絲接合處等,做到真正徹底乾淨。所以款式靚又的骰嘅家用洗眼鏡機大受歡迎,安坐家中就可以清潔眼鏡,又唔會損壞鏡片及鏡框,快靚正。

洗眼鏡方法大有學問,想好好保養眼鏡,更加耐用,就要從今日開始選擇正確嘅方法清潔啦!
產品詳情︰https://goo.gl/f28eGL

YOU MAY ALSO LIKE ...