新界西人係注定唔應該識太多朋友

熱話

廣告

今朝屯公又塞車,唉。今朝又畀朋友tag我係新界牛,唉。搞到個人今朝都blue blue哋,好想又呻吓住屯門真係慘。

原文轉載自經濟一週photo:mtr fb,mv截圖

出咗嚟做嘢咁耐,我去過幾個區返工,基本上一日車費閒閒哋都卅蚊。返過鰂魚涌觀塘將軍澳,最近嘅都只是荃灣,返工車程長就梗啦,不過車費都真係好貴。

我都唔記得嗰陣返工幾錢,用返依家數字嚟睇,我搭港鐵返鰂魚涌最甘,要成$27.9一程,來回都$55.8,搭去紅磡再轉巴士都係差唔多,不過就唔洗左轉右轉;之後轉去返觀塘嗰陣就最開心,$16.6一程,又可以一架車搭到尾;但之後轉咗返荃灣,雖然好似近咗咁,車費又最平,但係成日塞車搞到用嘅時間好似都係差唔多,真係心理唔平衡。

我覺得住屯門嘅人都係唔好有咁多朋友,除非你嘅朋友全部都住大西北,咁會約返大家喺大西北相見。有時放咗工同啲朋友去happy hour,結果玩到無鐵搭要搭夜車返屋企,但啲車成日都左兜右兜,又係要兜到頭暈先返到去。所以有時真係羨慕嗰啲無乜朋友要應酬嘅人,可以一放工就標返屋企,真係好事嚟(#曲線要講明)。

呢排成日都喺fb見到啲同住嘅地區有關嘅恥笑文,次次都會畀朋友tag我,搞到就嚟唔識我嘅都知我住大西北,知我就係嗰啲變態HR鬧嘅一定唔請、無志氣嘅新界牛,搞到我三日唔埋兩日就畀人鞭一鞭笑一笑,其實一啲都唔好笑囉,因為真心慘,土地問題啊。你哋笑人呢班住市區笑人嘅人,真係同你講句希望你他朝君體也相同!

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!