自願醫保計劃 VHIS 保障、申請扣稅攻略
講咗好耐、關乎每個香港人嘅一項重要政策措施自願醫保計劃終於會喺今年四月推出，但究竟咩係自願醫保計劃？消費者又應該點樣選擇保險公司呢？
自願醫保計劃由食物及衞生局推出，目的係透過住院保險鼓勵市民多使用私營醫療服務，從而減低公立醫院壓力。自願醫保提供兩類認可產品：標準計劃，按自願醫保嘅最低要求提供標準化嘅基本保障；靈活計劃：較標準計劃提供更佳保障，例如較高嘅保障金額等，以切合唔同人嘅需要。
打工仔最受惠申請扣稅轉工或待業期間一樣獲得保障
作為打工仔嘅你可能會講：「有公司醫療保險咪得咯，唔洗買多份啦！」公司提供嘅團體醫療保險保額一般都唔高，一旦面對高昂嘅醫療費用，未必能應付所需嘅醫療開支，而且轉工、待業或試用期期間無法受團體醫保的保障，如果喺呢段「真空期」期間患病，就要動用自己筆儲蓄來支付醫療費用喇！購買自願醫保計劃係其中一個為你提供醫療保障嘅選擇，而且只要為自己或合資格嘅受養人買自願醫保計劃就可以申請扣稅，每年可作申請稅務扣減嘅保費上限為每位合資格受保人8,000 元，可申請扣稅嘅合資格受養人數目仲不設上限！ 醒個扣稅攻略俾你啦～例如你幫自己、老婆同個女買咗自願醫保，每年保費分別係$10,000、$8,000同$2,000。咁今年可扣稅嘅保費金額就係$8,000 X2 + $2,000 = $18,000
*申請扣稅金額 = 納稅人和受養人保費(每人上限8,000元） x 邊際稅率
保障多元化 保到100歲！
無論你係15日大定80歲人士，都可以投保，8歲後發病及確診嘅先天性疾病都保，而且不設終身保障限額，每年保額係42萬港元，仲會每年還原！ 唔止呀，保單生效期間，無論身體狀況有咩轉變，在標準計劃下受保人都保證續保至100歲（只限標準計劃）！
專家教路，投保前應該考慮啲咩！
唔同保險公司嘅標準計劃，內容、條款、保障範圍大同小異，分別只在於價錢、品牌、服務同埋支援上，以及少數其他保障項目(例如身故賠償、保費折扣)。 宏利香港個人理財產品業務部首席產品總監紀榮道建議，消費者購買自願醫保時，價錢固然要考慮，但同時亦應考慮保險公司品牌及聲譽、提供嘅服務是否夠全面，包括保險代理人嘅專業建議同跟進服務，以及索償程序嘅方便度。
全面考慮索償程序的方便度
近年唔少網上投保平台興起，對「最緊要快」及「怕麻煩」嘅港人的確係方便。但除咗投保過程外，日後索償程序嘅方便度一樣重要，「易買、易Claim」先係重點！
宏利香港去年推出claimsimple.hk網上索償方案，透過這項創新服務客戶可經由流動通訊設備或個人電腦，在一分鐘内隨時隨地於網上提交有關醫療保險嘅索償申請#。
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
