大阪環球變猛鬼街 4大恐怖位嚇到導演都翻生

生活

廣告

每年萬聖節前夕,大阪環球影城(USJ)都會舉行「萬聖驚魂夜」活動,今年活動已於9月11日正式開始,我哋亦獲邀喺首日親到現場感受氣氛。新增以《猛鬼街》、《異獸戰》做主題嘅兩大王牌鬼屋,當中又以前者嘅《猛鬼街的惡夢》(The Night Killer)最為嚇死街坊,恐怖到相信連剛剛過世嘅導演Wes Craven入去玩都會嚇親,絕對係致敬作。

至於去年都有嘅重點項目「街頭喪屍」亦加入新型喪屍,大幅強化恐怖感。試想像日光日白嗰陣USJ重係老少咸宜,玩下哈利波特,買下Minions,點知一入黑就滿街喪屍厲鬼追你。同時影城內更不時會有真嘅爆炸效果,身處其中簡直有種喪屍襲地球嘅末日感,令成個影城變身成巨型鬼屋,堅係猛鬼街。

text-Nam photo-Nam、USJ

萬聖新主題
今年USJ有4個新主題,包括「異獸戰」、「猛鬼街的惡夢」、「學校怪談之旅」及遊客唔可以玩嘅「Trauma~恐怖實驗病棟~」,4個主題設施都可另購特快通行證排隊。記者目測如果冇快證,一般都要等2小時左右,快證可加速到半個鐘,基本上想1晚玩齊都係必買。至於去年已有,今年加強恐怖感嘅主題就有「街頭喪屍」、「娃鬼Chucky的恐怖工廠2」、「生化危機the Real 3」、「咒怨~受詛咒的設施~」及「貞子~受詛咒的設施~」,總共加埋有9個喺活動期間進行嘅項目,確實係足料。

https://www.youtube.com/watch?v=E9_lxPd3Eng

4大恐怖位 堅係嚇鬼

1.真係《猛鬼街》 Freddy追你9條街
每組必須6人入屋,並且6人都要手握同一條白色繩,工作人員會千叮萬囑任何情況下都不能放手,呢間「猛鬼街的惡夢」鬼屋,未入屋已增加恐怖感(事後諗番似乎係怕你驚得滯會襲擊Freddy)。鬼屋設計離唔開房間接房間,Freddy會不時出現殺人(唔係玩家),甚至突然喺你身後現身嚇傻你,就算你跑佢都會照追,非常恐怖,鬼屋入面重會勁播電影隻經典嚇鬼theme song〈One, Two, Freddy’s Coming For You〉,心血少啲都冇命。因此玩玩下feel到後面兩個日本妹心口已經壓到嚟背脊,差少少想攬住我,可惜我都真心勁驚,只求快快手脫出魔爪,都冇時間enjoy囉!

出前一丁點煮先正宗?梗係問清仔啦!
2.異獸戰 異形、鐵血戰士齊夾攻
本身諗住恐怖極有限,特別係記者本身係《異形》fans,DVD box set有齊,點知,原來當你入到去1間密室,而入面又有大量異形,兼夾1隻真人扮嘅鐵血戰士失驚無神嚇你(或者喺你眼前殺異形),真係會有恐怖感。慶幸異形唔係真人扮演,否則隻隻異形都真係識行識郁,肯定驚過Freddy。驚之外,我亦非常欣賞屋入面所有異形模型,細緻度極高又逼真,特別出館一刻有隻1:1嘅異形皇后,逼真到得人驚。

內容延讀:

>出前一丁點煮先正宗?梗係問清仔啦!

>若果你未覺荒謬!24個3字頭才懂嘅私密腦朋友

3.病毒突襲街頭 喪屍圍攻冇得走
海洋公園哈囉喂夠癲係香港人都知,但玩完USJ呢個街頭喪屍項目,先知原來主題公園可以玩到咁。當入黑後,唔止影城會近乎全黑,你更會發現街上突然毫無先兆咁湧出喪屍,呢堆喪屍慢慢滲入唔同區域,一開始未必有乜行為動作,但當時間一到,影城內就會播出MJ首《Thriller》,所有喪屍同時聞歌起舞,直到音樂一完,就會跟足MV咁開始主動衝向人群嚇你,呢刻開始先係高潮。影城內更會不時有真嘅爆炸效果,有時又會突然殺出戴住防毒面具嘅人出嚟指揮人群,或噴出煙霧對付喪屍,亦有喪屍食人後嗰個人即變喪屍之類嘅戲碼,所有嘢都係防不勝防、突然發生並且冇劇本,隨機率高到冇得估,採訪嘅話當然難搞,唔使做嘅朋友就好玩到爆喇!由於街頭喪屍都屬「萬聖驚魂夜」項目之一,所以有心被喪屍圍攻嘅朋友,請留意日期時間。

4.非日本人冇得玩 「恐怖實驗病棟」真正打大佬
其實USJ今年重有個話題嘢,但問過官方職員,已肯定遊客唔俾玩,只受日本國籍市民入場,而且玩之前要簽生死狀,驚你嚇死。以一向認真嘅日本人性格,個人估計呢個館絕非講笑,可能真係會嚇忍死都唔定。可惜記者都冇得玩,惟有得個知字,有日本friend不妨叫佢挑戰下。

日本環球影城「萬聖驚魂夜」
活動期間:2015年9月11日至11月8日
開放日期:9月及11月期間,每星期五、六、日、一及公眾假期;10月期間每天進行(10月29日除外)
時間:18:00至每晚閉園(閉園時間每日不同,請參考官方網站)
1天票價(連税):成人(12歲或以上)7,200yen / 小童(4-11歲)4,980yen /長者(65歲或以上)6,470yen
電話查詢:+81-5-70-20-0606
官方網站:http://www.usj.co.jphttps://www.facebook.com/UniversalStudiosJapan

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!

There is 1 comment

Add yours

Comments are closed.