去台灣必掃!盤點15大台灣藥妝品牌 必買$40眼線筆、$94保濕凍膜

生活

廣告

唔少香港人去旅行,都會狂掃藥妝護膚品,除了日本韓國台灣都有不少優質土炮品牌,加上台灣女生同香港人的膚質相近,護膚品都相對會更適合。編輯部精選了15大台灣出品的好用品牌和產品,不過每人膚質都不一樣,買之前還是要看清楚!

撰文:Cynthia@新假期周刊|圖片來源:相關機構

15大台灣藥妝品牌

1. 化妝新手必買Miss Hana

台灣最平價最抵玩的化妝品,一定非Miss Hana花娜小姐莫屬!彩妝部分應有盡有:遮瑕、眼線筆、唇筆、粉底,唔少台灣bloggers都介紹係化妝新手必入品牌。

當中最多人推薦的眼線筆,一支平平哋NT199,易畫之餘又防水,夏天玩足一日流晒汗都唔怕!而旋轉眼線膠筆當時一推出,即引起搶購熱潮!

 

每次推出新品都會緊貼潮流,陸續推出坊間大熱的透明花瓣唇膏、彩色Highlight Pen。而最近仲同CHOO CHOO CAT 合作,可愛包裝加分不少!

 

 

Miss Hana 花娜小姐
網址:www.misshana.com.tw/v2/official

2. 「膜」界之王 Hanaka

Hanaka花戀肌最特別的,係有齊所有身體上需要護理的「膜」類產品,包括片裝面膜、凍膜、足膜、髮膜、手膜、下巴膜、唇膜,想敷邊度都得!

當中最暢銷的一定是凍膜系列,凍白煥膚面膜杏仁兵及凍亮掃黑面膜炭長只需敷約30分鐘,就可以同時具亮白及保濕功效。

Hanaka 花戀肌
網址:www.hanaka-official.com/

3. 美妝達人創立 1028

台灣美妝節目非常多,《女人我最大》、《美人秘笈》等節目上常見的美妝老師,近年都開始自設品牌,口碑相當不錯的1028,就是由小凱老師所開。

彩妝系列價錢不算太貴,持久型眉筆、CC Cream、睫毛膏大約在一百左右,有唔少台灣藝人都大讚好用!

面膜亦受歡迎,一盒5片價錢大約是NT199-299,以台灣物價來說唔算超值,好在康是美、屈臣氏時不時有買一送一優惠,加上非常好用,所以回購率很高。

另外,洗臉、卸妝系列都很受好評,不傷皮膚的賣點絕對可以吸引許多人!

1028
網址:www.1028loveu.com.tw/v2/official

4. 妝前保養霸主 BEVY C.

重視妝前保養的BEVY C.是台灣的本地品牌,但吸收了日、韓的技術,產品強調保養方法要簡單又方便,啱晒繁忙的香港人!

護膚系列齊備各種功效,保濕、美白、抗老樣樣都有,最好用的首推妝前保濕精華,化妝之前輕輕一拍,就可以令妝容更加貼服,話咁易脫妝!

價錢來說認真唔平,35ml的妝前保濕精華就要NT1,500,用多少少都會心痛!不過功效的確不錯,如果撞正皮膚狀態唔好,可以急救一下!

BEVY C. 推出的化妝品非常重視成分,不會對皮膚帶來傷害,強調輕、薄、自然,以及有高防曬可以保護皮膚。想日日化妝皮膚都唔會變差,不妨一 試!

BEVY C.
網址:www.bevyc.com/

5. 平價護膚品牌 自白肌

分別由范瑋琪、張鈞甯等台灣自然系藝人代言過的自白肌,幾年前引入香港後,即時有好多人搶購。但依家唔係好多地方搵到,去親台灣都要掃番幾支。

自白肌的產品選擇其實唔多,洗臉、化妝水、精華、乳液、防曬都滿足到平時的基本護膚,重點是價錢非常便宜,大大支化妝水只需NT289,用足一季都未必用得完!

自白肌
網址:www.facebook.com/whiteformula

6. CP值最高 Solone

化妝品好用當然重要,但唔少人最在乎的始終都係價錢!Solone 就係一個超平超抵用的國民品牌,幾乎所有產品都係100有找,買開記得儲多幾件用足幾年!

王牌防水眼線膠筆NT149,旋轉眉筆都只係NT199,仲有買一送一優惠!可能200蚊都唔使,就已經能夠化晒成個妝!而且網友分享用後感,表示通通又平又好用,唔會只得個平字。

Solone
網址:www.soloneshop.com.tw/

7. 天然成分保養品 廣源良

講起廣源良,相信好多精打細算專買平嘢的香港人都會知,早幾年佢嘅綠豆粉、絲瓜水都非常出名,一支份量超多,用的時候完全唔使慳住慳住!

大熱產品綠豆粉一大罐都只係幾十蚊,有唔少暗瘡肌、角質層太厚的人都會加水厚敷再按摩,好快變番又白又滑!不過近年改咗設計,變成一包包獨立包裝,雖然衛生啲,但份量少咗又貴咗!

菜瓜水同樣係廣源良的鎮店之寶,一噴就會有自然又保濕的感覺,唔少人都會當面膜用,厚敷皮膚立即會變得超水嫩!蘆薈凝露係好多人一曬完之後的急救產品,皮膚即時會得到舒緩,冇咁易曬傷!

廣源良
網址:www.cucumber.com.tw/

8. 經典黑面膜 Sexylook

台灣面膜品牌多到數都數唔完,其中Sexylook 最出名的黑面膜,一敷完就有瞬間美白的感覺。而且連住頸膜,唔單止照顧臉部肌膚,且唔會有頸紋暴露年齡!

另外一款王牌產品是粉刺淨空組,一set分別有粉刺軟化水、粉刺拔膜及毛孔緊致露,拔完粉刺之後,毛孔唔會變大,非常貼心!

Sexylook
網址:www.sexylook.com.tw/v2/official

9. 凍膜之王 寶藝

台灣女生非常愛敷凍膜,一大盒可以敷面、頸,又可以自己選擇厚、薄敷,敷的時候可以行來行去睇電視,十分方便。寶藝就是其中一個盛產凍膜的品牌,很受歡迎!

兩大王牌:酵素冷膜、保濕冷敷劑,敷完後就可以撫平暗粒、舒緩敏感皮膚,又有亮白、保濕等功效,有唔少網友都分享,用完30分鐘就有煥然一新的感覺!

寶藝
網址:www.boskin.com.tw

10. 醫美保養品牌 Dr. Wu

Dr. Wu 是台灣非常出名的醫美品牌,推出的產品著重高效能、低敏感,雖然喺香港都有分店,但於台灣的康是美、屈臣氏等地方買,幾乎會平一半!

主打的玻尿酸保濕系列非常補水,化妝水、精華、乳液等一set 過用,冬天都唔會怕乾!另外,好多人都可能會用過它的杏仁酸煥膚系列,堅持使用的話,可以擊退凹凸洞,令肌膚回復光滑。不過有敏感肌的話,就唔好亂用喇!

Dr. Wu
網址:www.drwu.com

11. 牛爾老師開設 NARUKO

NARUKO是由另一位美妝達人牛爾老師所設立,在康是美、屈臣氏等地方十分熱賣!

最受歡迎的經典晚安凍膜介乎於gel及jelly之間的質感,完全不會油膩,瞓一覺就可以有美白、修護等的功效!

茶樹抗痘粉刺調理系列同樣非常熱賣,香港又焗又濕的天氣好易出油同粒粒,茶樹系列抗痘之餘,唔會令皮膚乾到脫皮,更有專為暗瘡肌而設的氣墊粉餅!

NARUKO
網址:www.naruko.com.tw/

12. 網絡爆紅面膜 TTM

台灣面膜絕對不止有「我的美麗日記」,TTM-Timeless Truth Mask是台灣自家經營的品牌,紅到法國再由法國紅回台灣本土,非常受台灣人喜歡!

TTM面膜的功效選擇超多,保濕、美白、抗皺、緊致,總有一種適合你!成分天然且一點都不貴,台灣人形容是「銅板價錢」,面膜布很透薄又貼服,精華多到敷完可以再塗上身體!

TTM
網址:www.ttmask.com

13. 貴婦最愛品牌 寵愛之名

寵愛之名是另一個由台灣人創立的品牌,一開始是以生物纖維材質面膜而爆紅,一敷就會馬上緊貼肌膚,定期使用可以令皮膚更加水嫩有彈性!

其他系列包括杏仁酸系列、熊果素肌因美白系列、多胜肽緊致系列等都十分熱賣,肌膚有任何需求都幾乎可以照顧到!雖然香港都可以買到,但台灣本地的set 裝、限時優惠,絕對會平超多!

寵愛之名
網址:www.forbelovedone.com/

#14 成分天然護理 阿原

對於阿原,好多人的記憶都係肥皂,其實它的護膚系列都唔可以睇小!護膚系列成分天然,採用大自然的植物草本,用於皮膚上,完全不會感到不舒服!

產品的功效十分顯著,有齊爽膚水、潔面、眼霜、卸妝、唇油、面膜等的護膚品,就算是敏感肌都適用,唔使怕太多香料會導致不適!

阿原
網址:www.eshop.yuansoap.com/

15. 清黑頭最強 DMC

清黑頭最常見的方法就是用鼻貼撕,但好多時都難免會令毛孔愈撕愈大!DMC黑裡透白凍膜是很多網友公認好用的清黑頭神器,只要敷約30分鐘,就可以令黑頭全部浮出來,再輕輕清潔就會好乾淨!

 

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!