催淚彈、二噁英都有得洗？ 23條常見清洗問題Q&A！化學博士K Kwong專業解答│真係架點解既好叻呀│

資料來源：K Kwong｜編輯：海月 ｜圖片： 衛生署、香港賽馬會災難防護應變教研中心 Hkjcdpri

化學博士K Kwong專業解答：催淚彈FAQ

Question 1：如何清洗皮膚上的催淚煙 / 二噁英？

(所謂清洗，即洗走帶有CS / 二噁英嘅塵粒，以下各題類同)

K Kwong：用水+番梘沖洗10-15分鐘

Question2：用咩番梘？梘液得唔得？

K Kwong：最普通嗰啲番梘已得，梘液都得，冇所謂 (唔用酒精，唔用BB油)

Question3：如何清洗個人衣物上的催淚煙 / 二噁英？

K Kwong：
─ 嚴重污染 (超濃味，一索件衫就咳)：棄置

─ 少量污染嘅衫：
Step 1 如果見到粉末就先用黐塵紙轆
Step 2 用流水沖洗 (** 勿用高壓水以免濺起受污染粒子)
Step 3 獨立用洗衣機洗 (** 勿溝其他非污染衣物) (用普能洗衣粉就得)
Step 4 洗衣機空機再洗一次

>

─ 少量污染嘅鞋，袋：
戴手套，濕紙巾抹表面，之後再用流水沖洗

Question4：邊種濕紙巾好用？

K Kwong：最普通嗰啲，只有水份(有D有少少清潔劑 ok)，最好無其他成份如酒精。

Question5：如何應對住所外有催淚煙？

K: 關窗，黐膠纸，等，勿用明火煮食，放心，唔會咁易焗死，因為你出入都開門有新鮮空氣。

Question6：如何清洗家居內 (或學校內) 煙催淚煙 / 二噁英？

K Kwong：開窗，戴手套，用濕紙巾抹，再用洗潔精加水抹多次

(** 勿用吸塵機，因排氣時會將污染粒子吹到更多地方)
(** 勿用漂白水，因會出含氯有機物，更毒)

Question7：經過受催淚煙污染嘅地方，戴口罩有冇用？

K Kwong：口罩有助減少吸入黐咗CS / 二噁英嘅粒子 (但隔唔到氣體) 都算有用

Question8：市民家居清潔CS塵粒用咩口罩好？

K Kwong：普通外科口罩已做到基本效果

Question9：空氣清新機可以去除CS / 二噁英嗎？

K Kwong：可以去除黐咗CS / 二噁英嘅較大粒子，但有可能喺後面噴到全屋小粒子 (自己諗)。如好多塵，要定期適當清洗filter (戴口罩)。但如開窗就冇必要用。

Question10：有咩空氣清新機推介？

K Kwong：空氣清新機推介最基本嗰啲已做到以上效果，唔好信有啲咩特異功能嘅機，果啲「光分解機」不可短期分解到二噁英，而CS自己都會分解。即係除臭同分解甲醛外冇乜用。

Question11：催淚煙可以吹到幾遠？幾耐先散？我住XX樓會唔會吸到？

K Kwong：有資料話可去到幾百米，但實際要視乎風向。有啲數據話如果一粒正常大細嘅催淚彈爆咗，50米外15-30分鐘就會冇咗CS效果 (因為已經沉下，100-200米外就安全；我估計二噁英都係咁上下)。但全世界得香港放咁多催淚彈，人口又密集，所以影響必定比外國數據更大。依家香港冇數據，只能靠估。

Question12：咁HCN山埃氣呢？好毒喎！

K Kwong：HCN真係好毒，但比空氣輕，你係屋企或者行過戰區都冇咁易中到。但太多HCN代表CS分解程度高，產其它毒嘢如二噁英、PCB、PCT亦高昨！

Question13：雨水能否沖走街上CS / 二噁英？

K Kwong：可以，去咗海，不是水塘。因為未有試過係集水區放催淚彈呢！

Question14：雨水沖走啲CS / 二噁英，會否污染食水？

K Kwong：入污水渠落海，唔會污染食水

Question15：雨水沖走啲CS / 二噁英落咗海，食魚有冇事？

K Kwong：Dilutional effect (即溝稀咗)，CS / 二噁英到海嘅劑量不大，若非日日食同一個來源嘅魚，估計影響不大

Question16：懷疑受催淚彈影響嘅生果，食唔食得？

K Kwong：厚皮生果 (如西瓜，蜜瓜) 用流水清洗，我會食；連皮食或大表面面積嘅生果 (如士多啤梨，藍梅) 我唔會食。

Question17：二噁英係四圍飄定沉落地面？

K Kwong：黐落塵粒或任何固體/液體，塵粒最後沉落地面或物件表面，最少10年先分解一半。

Question18：燒膠會否出二噁英？

K Kwong：講咗好多次，要有氯嘅膠如PVC造嘅膠先會燒出二噁英！唔該睇番原篇解釋，勿斷章取義

Question19：吸咗催淚氣管好唔舒服點算？

K Kwong：我自己中過最甘果次5分鐘都郁唔到，乜水都流，但洗眼5分鐘後已經冇乜事，但個肺痛咗2日，冇睇醫生。當然個個人身體唔同，你如果好唔舒服要去睇醫生。

Question20：接觸咗催淚皮膚好痕/出疹點算？

K Kwong：唔好R，搽止痕膏 (我用薄荷膏)。BB就咪俾佢R，亦咪用乜膏物膏。當然好唔舒服要去睇醫生！

相關文章：政府直認催淚煙對市民身心持續損害！接觸催淚煙後簡易處理方法

Question21：吸咗催淚彈對胎兒有幾大影響？

K Kwong：K Kwong唔係咁識Bio (except reproduction)。要等各位醫生代解答。但以前啲資料話二噁英導致畸胎，係好長期接觸，唔係幾日幾月嗰啲喎！

Question22：吸咗催淚彈可唔可以餵人奶？

徒弟Winnie Chan代答：衛生署話2個鐘內唔餵得人奶。二噁英屬油溶性，會積聚喺人體內油脂細胞，包括母乳，但正路冇咁快入到奶。未有人做過呢種實驗，冇確實答案到底吸幾多就餵得/唔餵得。不過有一點可以肯定：如果自己皮膚有CS微塵，可以餵奶時被BB吸入！

Question23：催淚彈令經血變黑色點算？

醫生代答：如淨係經血顏色異常，無其他病徵 (如經期日子唔啱，非經期日子出血，或其他系統症狀) 醫生問清楚病歷同做檢查後，應該都冇咩可以做到。當然私家嘅話可以自費照吓超聲波確保結構上冇問題，但如果排公立分分鐘要排一兩年先第一次見到醫生，照超聲波或者要再排，短期內幫唔到件事。

第二部份──網民跟進提問及建議：

Question1：老師，想請問廚房抽油煙機條喉點算？咁大個口，啲催淚煙會唔會由呢度入屋？可以點處理？謝謝

K Kwong：我估入到，不過立即黏住D油

Question2：想問下催淚氣體可以飄幾高啊？屋企有小朋友、最近又咳又出紅點，唔知關唔關前幾晚屋企樓下射左幾粒彈事，隔左幾個鐘成廿幾樓都仲聞到好臭，都唔知係咪副作用，好擔心啊！

K Kwong：最遠可達100-200米，約33-66層，但應該十零分鐘散

Question3：學校係咪應該盡快換上冬季校服，減少皮膚接觸污染物既範圍呢？容許女同學著褲係咪較好?特別係受汚染嚴重地區的學校。

K Kwong：好提議

Question4：平時小朋友查止痕個啲得唔得？又係涼涼地

K Kwong：我用緊

Question5：而家香港水含有氯氣成份，其實香港人用清水洗有冇問題？

K Kwong：水喉水太少太少氯