8招鼻敏感舒緩方法|飲薑茶、食黑蒜有效?中醫一一破解!

8招鼻敏感舒緩方法|飲薑茶、食黑蒜有效?中醫一一破解!

生活

廣告

鼻敏感舒緩方法|天氣一轉凍,鼻敏感好易發作!特別喺香港,冬天、春天成日又濕又凍,所以鼻敏感亦是香港常見嘅都市病之一。網上流傳很多鼻敏感偏方,究竟偏方有否醫學根據?到底有邊啲係有效舒緩方法?今次特別邀請城中著名嘅美女中醫楊明霞醫師,一一破解!

鼻敏感好辛苦?8招舒緩方法

鼻敏感係香港常見嘅都市病之一,根據統計,每4個香港人就有1個可能是鼻敏感患者!鼻敏感雖然不算甚麼嚴重疾病,但頻繁的打噴嚏、鼻癢、鼻塞、流鼻水、流眼水等等不適症狀,都會影響睡眠質素、日常生活,甚至學習及工作效率!網上流傳很多鼻敏感偏方,究竟偏方有否醫學根據?到底有邊啲係有效舒緩方法?今次特別邀請城中著名嘅美女中醫楊明霞醫師,一一破解!

鼻敏感舒緩方法1. 薑茶

生薑性微溫,味辛,入肺、胃、脾經,適用於寒性風寒。

8招鼻敏感舒緩方法|飲薑茶、食黑蒜有效?中醫一一破解!
(圖片來源:Shutterstock)

鼻敏感舒緩方法2. 煲豬橫脷湯水

豬橫脷性甘味平,有調脾胃功效,間接調理鼻敏感作用。

鼻敏感舒緩方法3. 食黑蒜

蒜適用於寒性風寒,進食黑蒜可提高免疫力,但有虚火人士,避免進食。

鼻敏感舒緩方法4. 起身即飲杯暖水

中醫師指,患有鼻敏感患嘅人應該喺起身後、刷牙前喝杯暖水,咁樣大部份嘅鼻敏感症狀都會立即有效舒緩,對嚟緊一日活動都有益處。

8招鼻敏感舒緩方法|飲薑茶、食黑蒜有效?中醫一一破解!
(圖片來源:Pixabay)

鼻敏感舒緩方法5. 出街記得戴口罩

街外有好多懸浮粒子、花粉等致敏源,加上室內外溫差影響,所以一出街、入商場就特別易引起即時性鼻敏感。中醫師指出,出街時可戴上口罩保暖,同時亦可以減少致敏源帶嚟嘅敏感反應。除咗戴口罩,將頸巾戴上遮鼻都有助保暖。

鼻敏感舒緩方法5. 吸熱蒸氣

當覺得個鼻、呼吸有啲辛苦嘅時候,不妨倒一杯熱水捧喺鼻下方,自然咁吸下蒸氣,都有效短暫舒緩鼻塞、鼻敏感。因為蒸氣嘅熱力有助減少鼻水,不過要注意蒸氣不宜過熱,唔係就好易灼傷㗎喇!另外,熱毛巾敷鼻亦有相當唔錯嘅。但「室內用加濕器」就無乜用喇,除非室內乾燥到流鼻血,否則濕度太高反而有機會令霉菌滋生,反而更容易有鼻敏感!

鼻敏感舒緩方法7. 多食深海魚及維他命C食物

好多深海魚好似三文魚、吞拿魚等,都含有大量Omiga 3,有效滋潤鼻黏膜,咁就可以減少鼻敏感癥狀。而水果同蔬菜中嘅維他命C,有效加強免疫系統,減少過敏反應。特別係有豐富胡蘿蔔素嘅蔬果,好似甘筍、南瓜等,有效保護鼻黏膜表皮細胞,增強抵抗力,所以就要多食喇!

8招鼻敏感舒緩方法|飲薑茶、食黑蒜有效?中醫一一破解!
(圖片來源:新傳媒資料室)

鼻敏感舒緩方法8. 平日多做運動

除咗飲食同環境清潔,平時都要好好鍛煉體魄以增強抵抗力。多做帶氧運動好似游水、跑步等,有效加強心肺功能,從而強化呼吸道功能。另外,記得要喺室外做運動,因為曬住太陽、呼吸新鮮空氣,遠比健身室有效!

常見問題

鼻敏感對日常生活有甚麼影響?

鼻敏感雖然不算甚麼嚴重疾病,但頻繁的打噴嚏、鼻癢、鼻塞、流鼻水、流眼水等等不適症狀,都會影響睡眠質素、日常生活,甚至學習及工作效率!詳情請看

有甚麼方法可以舒緩鼻敏感?

網上流傳很多鼻敏感偏方,究竟偏方有否醫學根據?到底有哪種方法有效舒緩?今次特別邀請城中著名中醫楊明霞醫師,為大家一一破解!8招鼻敏感舒緩方法

撰文:Edelweiss丨編輯:海月圖片來源:Shutterstock、Pixabay、新傳媒資料室資料或影片來源:中醫楊明霞醫師(原文刊於:more)

YOU MAY ALSO LIKE ...