留意身體警號! 軒仔霍哥自爆身體差 減脂增肌保健康

留意身體警號! 軒仔霍哥自爆身體差 減脂增肌保健康

微辣霍哥(霍俊邦)出名無嚟正經,但最近忽然在網交網絡貼出操肌成功照,大騷胸肌、腹肌,並指成功踢走22kg,由93kg減至71kg。網民紛紛大讚霍哥肌照超charm,看不出霍哥原來操得一身健碩身材。霍哥更拍片道出自己決心改變身形及健康的真相﹗

微辣霍哥突變肌肉型男﹗
微辣霍哥突變肌肉型男﹗

霍哥:覺得自己好廢﹗ 醫生指內臟脂肪、血管全塞

今年年初霍哥曾進行身體檢查,醫生直指好易出事:「我32歲人,醫生同我講如果我繼續落去嘅話,很容易中風,大家睇我外表唔覺㗎﹗其實我入面嗰啲內臟脂肪同血管全部塞晒,平時跑街跑唔到兩條街,已經喘晒氣,自己都覺得好廢﹗」

醫生話霍哥再長此下去會有中風危險。
醫生話霍哥再長此下去會有中風危險。

的起心肝操肌 全因不想中風

被醫生一言驚醒,霍哥終於意識到要「搞好」身體。他又指改變從來非常困難,甚至犧牲很大,但過程中不斷堅持,終會到達終點:「當你一直堅持下去,不知不覺間,你就會發現辛苦得來嘅成果,係值得㗎﹗唔好成日話好難,唔好覺得自己做唔到。做就係,做啦﹗」相當勵志!

霍哥花半年操肌減脂,教練見到成效都好滿意﹗
霍哥花半年操肌減脂,教練見到成效都好滿意﹗

張敬軒靠168斷食法 重新拾回下顎線

除了霍哥,最近積極準備演唱會的男歌手張敬軒(軒仔)也在Instagram上分享修身成效。成功重拾下顎線的軒仔,全靠戒吃零食和嘗試168斷食法。軒仔更提到開始斷食法後,身體各種毛病,包括關節痛、鼻敏感和水腫都得到改善,再次引起大眾對168斷食法的興趣。

168斷食法是指將一日進食的時間和分量在8小時內完成,其餘16小時則完全不進食。在不進食的16小時內,人體的基礎代謝超過攝取的卡路里,便會開始消耗肝臟內儲存的糖原,甚至燃燒體內脂肪以供應身體所需能量,從而達到修身效果。