識去街市一定去台灣 索爆街市佬/妹全集

生活

「好似佢啲咁出色嘅男人,無論喺咩地方,都好似漆黑中嘅螢火蟲一樣,咁鮮明、咁出眾!」呢幾句《國產凌凌漆》嘅對白,用嚟形容以下幾位喺台灣嘅街市佬/妹就最啱喇!正所講高手在民間,街市索人就喺台灣。唔夠皮?再加插2個廣州man爆豬肉佬,小心睇到流鼻血呀!

text-專題組

「東門豬肉公主」
姓名:張采婕 年齡:25歲
facebook:張采婕-facebook

「東門豬肉公主」張采婕因為個樣有啲似S.H.E嘅Hebe同林熙蕾,好快就吸引網民目光。佢原本係銀行職員,後來就走去幫屋企人嘅豬肉檔做生意。

聽聞有影圈經紀人接觸佢,但佢竟然一口拒絕。「甚麼演藝經紀合約?不需要了!謝謝好意!」佢重話會繼續賣豬肉,減輕屋企人負擔。年紀輕輕生得又靚,竟然甘心做豬肉女而唔發明星夢,重要咁孝順,少有、難得!運動嘅女仔加10分,佢咁樣真係要加100分!

一夜爆紅,「豬肉公主」就話不勝其煩,佢同朋友發牢騷話﹕ 「突然我的手電一直響,一看原來是整排的交友邀請,我想說到底發生甚麼事情呀?」

佢重表示一夜爆紅令佢十分困擾,佢喺faebook話:「明天我不會去街市,撲個空的人就應該會想根本沒有這個人,會放過我吧?」

 

內容延讀:

台灣嘅《One Piece》海賊王跑 一樣有好多索cosplayers!

再睇埋韓星力撐嘅10大潮鞋!跟住買包你愈跑愈型!

睇咁多索嘢,再睇得意蛋黃哥Hea開Cafe

「小鮮肉老闆」
姓名:游勝綸 身高:185cm
facebook:游勝綸-facebook

呢位被台灣網友稱為「小鮮肉」(即指年齡喺16-28歲間、性格純良、冇乜拍過拖,長相俊俏嘅男仔)嘅靚仔游勝綸,係喺台北東湖菜市場賣涼糕嘅老闆,佢身高有成185cm,加上6舊朱古力腹肌,所以就算唔係賣鮮肉,都被網民叫做「小鮮肉老闆」。

「小鮮肉」目前喺國立台北教育大學體育系就讀,重係甲級排球隊隊員。佢喺facebook話過,平常上堂同打球已經用晒啲時間,只有假日會開檔賺下生活 費,但已經被眼利嘅網民發現,原來佢參加過雜誌《men’s uno》嘅model選舉,重殺入前10名,聽聞已經有經理人公司睇中,嚟緊重有機會進軍娛樂圈!

「東湖王陽明」
姓名:林聖堯 年齡:20歲
facebook:林聖堯-facebook

近日喺不同嘅社交平台被瘋傳,因為高大靚仔,再加上同樣背脊有紋身,所以網友都叫佢做「東湖王陽明」(台灣ABC藝人)。呢位型男真名叫林聖堯,網民為呢位朋友起咗個外號叫「東湖王陽明」,佢喺台北東湖菜市場賣寢具用品,每日都要搬搬抬抬,陽光味嘅笑容配上健碩嘅身形,加上背脊有大紋身,charm到爆!

 

內容延讀:

台灣嘅《One Piece》海賊王跑 一樣有好多索cosplayers!

再睇埋韓星力撐嘅10大潮鞋!跟住買包你愈跑愈型!

睇咁多索嘢,再睇得意蛋黃哥Hea開Cafe

「廣西豬肉男神」

講街市索人,唔一定係台灣威晒 嘅,好似呢位喺廣西寧緯武路嘅豬肉大隻佬,資料就冇啦,但網民話佢喺街市賣豬肉都有一段時間,重話唔少阿太買完豬肉都唔捨得離開,話要望多兩眼!

「有理想嘅豬肉佬」

最後梗要數埋喺《少林足球》裏面,想成為舞蹈家嘅豬肉佬啦!佢和應星爺一齊載歌載舞,咁man咁有理想,就算肥少少都一樣咁型嘅。

即睇豬肉佬起舞

https://www.youtube.com/watch?v=T2I1jwH5c7w

關鍵詞
星爺街市

YOU MAY ALSO LIKE ...

There are 3 comments

Add yours

Comments are closed.