出少句聲無人話你啞! 7句生暗瘡時最憎聽到嘅說話

天氣轉變再加上飲食問題,面上皮膚差到一個點,若然「爆瘡兼爛面」,就連街都不想出,相信這些心情同問題,係正在經歷又或者係曾經「爛面」的人先會明。所謂「爛面」,即係指面上有至少有一半嘅皮膚都持續爆緊暗瘡,同間唔中生幾粒暗瘡係完全係兩回事!當你自卑到連同人有眼神接觸都不敢的時候,就會好容易聽到以下7句難聽過粗口的說話。
撰文:Emily|圖片來源:Pinterest|編輯:異種火星人

生暗瘡又爛面?邊句說話最難聽﹗

1.「嘩你塊面搞咩啊?」

我自己都好想知,知就唔使搞成咁啦!你問我,我問邊個?

2.「你啲暗瘡好似又多咗喎!」

其實我有照鏡的,暗瘡多咗我自己好清楚,唔需要你嘅「溫馨提示」喇,唔該!

 

 

 

 

 

 

 

 

 

 

 

 

 

3.「你有冇洗面啊?係咪唔乾淨?」

一定係冇洗啦!如果洗面=冇暗瘡,我會每日24小時全職洗面。你問得呢條問題,就知你應該未生過暗瘡。

 

 

 

 

 

 

 

 

 

 

 

 

4.「好心你咁多暗瘡就唔好化妝啦,愈化愈衰!」

你知唔知1個「爛面」中嘅女仔,要坦蕩蕩、完全冇遮冇掩咁見人係需要幾大嘅勇氣。化妝遮一遮,想靚女啲咁出街都唔係好過分啫!不過,大前提係落妝一定一定要徹底。

5.「你重食咁多熱氣/甜嘢,因住又爆多幾粒瘡!」

邊個話生暗瘡一定關食嘢事?筆者幾年前曾經戒煎炸、戒甜嘢、戒牛……基本上淨係食飯同菜,啲暗瘡咪一樣爆到嘭嘭聲。

 

 

6.「唉!我近排都狂爆咗瘡啊,你睇吓……」(其實得嗰一兩粒)

如果你呢個舉動係想安慰我嘅話,我多謝你。但其實我真正嘅感受係,如果我塊面有你咁滑,我已經可以去還神。

 

 

 

 

 

 

 

 

 

 

 

 

 

 

 

 

 

 

 

 

 

 

7.「我係你就一定會唧走晒啲暗瘡。」

塊面唔係你嘅,你梗係唔使負責任。你估我唔想唧咩,但之後有疤點算?成面暗瘡重走去擠嘅話,我好肯定擠完會衰過火山坑囉!

 

 

 

 

 

 

 

 

 

 

 

 

 

如果你真係想關心爛面嘅朋友,我勸你都係咩都唔好講,因為講咩都唔啱聽。不如幫佢搜羅啲有效嘅產品,又或者直接介紹個好嘅皮膚科醫生俾佢吧!最後送上神曲〈死啦啲青春痘〉,祝願大家早日同爛面講拜拜!

 

YOU MAY ALSO LIKE ...

There is 1 comment

Add yours
  1. 新Monday / 8大「出事」妝容!姊妺們,小心呀! - 新Monday

    […] > 呢樣都出事!爛面時最憎聽到嘅7句說話 […]


Comments are closed.