老闆一句「睇好你啦」新人信有上位機會 Chur同事兼博表現 網民:要幫佢認清現實嗎?

生活

廣告

對工作充滿熱誠是好事還是壞事?這條問題沒有標準答案。日前,有網民於討論區發文指,新人同事完成一份Project,全因老闆一句「睇好你啦」,以為自己有上位的機會,隨後每日返工都努力博表現,甚至chur同組的同事,令該網民不知應否提醒新同事,助他認清現實。

撰文:經一編輯部|圖片:Unsplash、香港討論區|原文刊於:經濟一週

樓主:新同事畀老闆拍兩下膊頭 一句「睇好你啦」以為有上位機會

日前,有位網民於香港討論區以「個新同事畀老闆拍兩下肩講咗句『睇好你啦』就好似打咗針咁,成個人痴咗線 」為題發文,指新同事因為老闆的一句「睇好你啦」以為自己有上位的機會。

樓主指,老闆的說話只是場面話,不可信,惟那位初入職場的打工仔信以為真,在老闆說完那句話後,每日chur身邊的同事,努力發圍。樓主表示,那位新同事入職不久,更是第一份工作,不知應否打破他對返工的期望,助他認清現實,因而發文詢問廣大網民的意見。

老闆拍膊鼓勵「睇好你啦」新人信有上位機會 Chur同事兼博表現 網民:要幫佢認清現實嗎?
圖片:香港討論區

新人必經階段?

帖文一出,引起網民熱議。有網民表示,因老闆一句鼓勵說話而努力工作,是新人必經的階段,不應提醒對方,消磨他的熱誠。

  • 「每個新人階段!」
  • 「必經階段,等佢撞下板,畀老細鬧鑊甘嘅,就會大個仔。」
  • 「鼓勵新人啦!同埋可以畀晒啲嘢佢做。」
  • 「你有實力就掂哂!佢無殺傷力對你嚟講,何必熄人團火呢?」
  • 「新仔有啲火係好事嚟噃,有咩問題?」
  • 「咁人哋有火咪由佢囉」
  • 「有戲睇你唔買花生?你有咩資格叫醒人先?」
  • 「老闆最鐘意用呢句呃新入職嘅新人,但你又唔好咁快同佢講,可能老闆背後睇緊佢表現。」
  • 「你又唔好以自己嘅老屎忽心態,去消磨人哋後起之秀嘅決心!」
老闆拍膊鼓勵「睇好你啦」新人信有上位機會 Chur同事兼博表現 網民:要幫佢認清現實嗎?
網民表示這是新人必經階段。(圖片:Unsplash)

網民:主動提醒畀人以為立心不良 佢做多幾年嘢自然會明

又有網民認為,若樓主主動提醒或會被對方感覺立心不良,有人坦言那位新人同事只要「做耐啲」,自然會認清現實。

「有熱誠係好事,你又無必要主動打沉佢,反而佢會覺得你係壞人。慢慢同佢傾,傾下佢啲project嘅可行性。等佢了解返自己對人處事嘅細緻程度先啦!」

  • 「唔好提啦,提完有可能仲覺得你立心不良,畀佢經歷下畀人睇好嘅感覺。」
  • 「做多一兩年佢就化㗎喇!」
  • 「好快熄,當佢發現老闆其實唔知佢叫咩名的話。」
  • 「佢做耐咗就知㗎啦。」
  • 「入世未深…遲點就會明白。」
  • 「其實不用提醒他,讓他自己慢慢經歷一些,才會懂得社會的生活是怎麽樣的。」
  • 「只要做多幾年嘢,磨練吓,佢自然知道咩事,保證hea做!」
老闆拍膊鼓勵「睇好你啦」新人信有上位機會 Chur同事兼博表現 網民:要幫佢認清現實嗎?
有網民指,只要做多幾年嘢,磨練吓自然就會明白。(圖片:中新社)

老闆嘅「睇好你啦」同「下次飲茶」意思一樣

不少網民看完樓主的經歷後,表示自己曾在職場遇到相同的情況,直言老闆一句「睇好你啦」,同「下次飲茶」的意思一樣,只是場面話。

  • 「呢句說話,同『下次飲茶』意思一 樣。」
  • 「我老闆口頭禪。」
  • 「可能樓主唔識,呢啲叫『熱誠』。所以呢個世界真係有種人,成世都只係搵嗰皮零嘢一個月。」

「無論邊一間公司大公司、中小企所有老闆門面做得好好體體,幫班新仔打支強心針,因為佢對公司有熱誠、有責任,3個月無問,過咗2、3年就會開始懷疑職場,自己當初有幾蠢。」

「我哋有個新人入來,老細都係講咗句類似嘅說話,跟住個同事就走去考車牌讀書之類,我出聲提佢話老細對個個都咁講,但係我覺得老細雖然畀假希望,但同事進修都係好事。」

又有網民表示,返工最怕遇到「真係好怕遇到呢啲傻仔,樣樣走去做,走去理。其實返工做返基本嘢,做返自己本份,已經好足夠」。有人卻表示欣賞這類年輕人,建議樓主可以扶持他,更認為「成功,係基於一份執著」。

老闆拍膊鼓勵「睇好你啦」新人信有上位機會 Chur同事兼博表現 網民:要幫佢認清現實嗎?
有網民直言,老闆嘅「睇好你啦」同「下次飲茶」意思一樣。(圖片:Unsplash)

網民:可能真係傻嘅先上到位呢

不過,有網民勸樓主多一事不如少一事,指他日或許風水輪流轉,那位新人同事分分鐘真係有上位機會。

  • 「世事無絕對;有朝一日如果呢個『新人』做咗你上司……」
  • 「可能真係傻嘅先上到位呢!分分鐘做埋你上司啊!」
  • 「相對嘅。同打仗一樣,呢類人一係戰死,一係過多幾年就爬人頭。」
老闆一句「睇好你啦」新人信以為真 努力返工博上位 網民:要幫佢認清現實?
網民勸樓主不應提醒對方,更直言「可能真係傻嘅先上到位呢」(圖片:Unsplash)

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!

關鍵詞
生活