識飲識食M痛不再!
text-Edelweiss (ig:lovedelweiss) photo-網上圖片
M痛到底有幾痛?
日本玩具公司ShineG曾經推出過「ポイズンきの子」(毒菇女孩/腹痛菇菇)扭蛋,將M痛時折磨表露無遺,小記表示身同感受!!!!!!!!
8招M到保健貼士
M到的時候,女人更加要注重養生、保健,食得好,可以減少M痛,食得不好,分分鐘痛到你下世不想再做女人!
1.絕對不可以食冰冷食物
這句要重覆3次先可以!Period期間要戒口,包括生冷食物和凍飲,寒氣會降低子宮內膜溫度,令到子宮收縮,造成血塊、排血不順暢、月經過多/過少,或者突然中斷月事等,月經失調問題,加劇經痛!
2. 節制飲食
M到時消耗大量經血,整個人會比較疲累又沒胃口,但都要補充足夠營養。Period期間,除了要多吃有營養兼易消化的食物,兼且要多飲水,飲食亦應該清淡,避免食過酸和刺激性的食物(辛辣、煎炸、胡椒、芥末、醋、山楂etc.),亦應該少食煙、飲酒,以免刺激血管擴張,令到經血量過多。
3. 勿食過量朱古力
大人細路都鍾意的朱古力是好味,又可以刺激大腦分泌血清素和腦內啡,令人感到開心,心情會好一點。不過,食朱古力來紓緩M痛的作用其實沒有太大關係,食得太多,不但會致肥,更會令經期間暗瘡變得嚴重,隨時太燥而大爆發!
內容延讀:
驅走宮寒!即學10式子宮保暖法
10對最想有的Ultra Boost回顧
4. 多食「色氨酸」食物
不食得朱古力又想開心點,period期間不妨食含有「色氨酸」的食物,例如牛奶、堅果同番石榴等等,這類食物可以令人relax,減量緊張情緒,保持心情愉快。
5. 選「性平/溫」水果
Period期間食多啲水果可以預防便秘同盆腔充血,但就不是樣樣都食得!性平的水果(蘋果、無花果、 士多啤梨etc.)多食無妨;溫性嘅水果(橙、桃、車厘子、菠蘿、提子etc.)都食得,但就勿一次過食太多;寒性水果就要避之則吉(梨、香蕉、杧果、西瓜、奇異果etc.)!
6. 補鐵
鐵是人體必需的微量元素,不過period期間會流失不少鐵,最直接的方法就是食瘦肉、魚、黑木耳、豬肝之類含豐富鐵質的食物來補鐵,更可以避免缺鐵性貧血。
7. 勿飲茶
識得補鐵,又識得預防鐵流失都只有「嘥氣」!茶含有鞣酸,會將食物入面的鐵分子結合,形成大量沉澱物,阻礙人體吸收鐵;而鞣酸亦有收斂作用,減慢腸道蠕動,加重period期間便秘問題;茶入面的咖啡因、可可茶鹼會刺激神經同心血管,令人精神亢奮,加劇M痛、頭痛、腰痠、乳房脹痛、精神緊張等月經失調問題!
8. 經後補血
月經造成部分血液流失,不過失血不緊要,最緊要識補充!完M後1-5日内,就應該補充蛋白質和礦物質,建議多食黑豆、金針菜、桂圓、牛奶、雞蛋、紅蘿蔔、黑芝麻、紅糖等等,補血、健康又美顏。
內容延讀:
驅走宮寒!即學10式子宮保暖法
10對最想有的Ultra Boost回顧
經期3大補血美顏湯水
1. 杞子紅棗桂圓煮雞蛋
材料:紅棗8粒、杞子20g、雞蛋1隻、桂圓適量、紅糖少許
功效:有補中益氣、養血止血、美膚養顏,非常適合月經過多、貧血及身體虛弱者飲用。
2. 黑木耳烏雞湯
材料:黑木耳20g、烏雞1隻、香菇適量、薑3片、蔥適量、鹽適量
功效:烏雞含氨基酸和鐵比普通雞高很多,黑木耳和菇類含有豐富蛋白質和鐵,是滋補佳品。
3.番茄牛肉湯
材料:番茄4個、馬鈴薯1個、牛肉50g
功效:有暖胃作用,番茄、牛肉配搭能增強補血功效,令牛肉入面的鐵更易被人體吸收,預防缺鐵性貧血。
內容延讀:
驅走宮寒!即學10式子宮保暖法
10對最想有的Ultra Boost回顧
照做脫臭!即學15式去除私處異味
馬里奧、星戰、史諾比…13個卡通時裝聯乘
Lonely Christmas必做過的10件事
喉嚨痛怎麼辦?
香港人經常打邊爐BBQ食熱氣嘢,除了面部不同位置生暗瘡外,經常遇上喉嚨痛問題。中醫教分清喉嚨痛原因,並推薦10款紓緩喉嚨痛中藥。如果以上方法都沒有見效,或者你可以試試民間偏方舒緩喉嚨痛。
為什麼皮膚會突然變差?
皮膚突然變差可能與你的睡眠習慣有關,要改掉這8個令皮膚差的睡眠習慣 !可以嘗試從飲食改善皮膚,多吃營養師推介的保濕食物 ,另外床褥其實佈滿塵蟎,影響皮膚,即教你3招洗床褥除蟎大法 !
[…] >識揀嘢食唔上可瘦身,重冇埋 M痛 […]
[…] >M痛痛到命都冇?入嚟睇吓嗰幾日要食咩飲咩! […]
[…] >返緊工突然M痛?即刻入嚟睇睇可以點! […]
[…] >暖男冧女必讀!令你女友冇M痛 […]
[…] >做人要識食!每個月嗰幾日更加要識 同M痛講byebye […]
[…] 「戴錯胸圍買錯bra」這某內衣品牌的slogan,相信大家都聽得多,但每次買bra,女生們都只着眼款式夠不夠漂亮可愛、設計夠不夠性感、胸圍及罩杯size是否合身,而忽略胸圍的種類、剪裁及功能性。佩戴合適的胸圍,除了能令胸部線條更玲瓏迷人,還會改善體形,相反,戴錯胸圍不但有損胸形,更影響健康,嚴重的話會導致頭痛、肌腱炎、皮膚敏感、胃酸倒流及消化不良等症狀!根據自己的年齡、胸形、體形及需要來買bra,更會獲得「乳細有時頗大」的意外效果呢! […]