Gel頭教學丨點先可以keep得耐唔塌？髮型師5大簡易技巧必學！
Gel頭教學丨點先可以keep得耐唔塌？髮型師5大簡易技巧必學！
男士髮型｜Gel頭Gel得叻唔叻，真係好影響outlook，繼而再嚴重啲可影響人緣！不過Gel頭都相當講技巧同步驟，相信不少男性試過早上Gel完頭到中午時頭髮已塌下來，又或者點Gel都唔滿意。以下係小編經過與多位髮型師朋友「取經」後得出Gel頭5大簡易技巧教學，例如點用鹽水增加層次，希望可以幫助解決有Gel頭疑問嘅各位，著重髮型嘅必睇！
睇睇一個適當嘅髮型有幾重要，唔想變MK又唔想做宅男一定要識。
Gel頭教學丨髮型師分享5種簡易技巧步驟教學！ 鹽水有效增加層次
Gel頭教學丨1. Gel頭過程中邊一個步驟最重要？
Gel頭過程包括把頭髮整濕、打底（視乎髮質而定）、吹頭、用髮泥把頭髮造型、定形等，當中最重要係吹頭。吹頭時，髮型師朋友指出吹頭最好順方向吹，唔好以摷亂方式將頭髮亂吹，同時要注意風筒同頭皮距離、吹頭時間、溫度等。
Tips ：吹頭，除咗用風筒出風口把頭髮吹乾，同時可善用風筒背抽風口或冷氣功能把頭髮即時冷卻定形。
想了解風筒使用方法，不妨睇睇以下片段。
Gel頭教學丨2. 我適合邊種髮型造型？
在選擇髮型或造型前應先了解自己髮質、頭形、面形等。要了解自己頭形，可從頭頂兩側及後尾枕位置觀察，再留意面形比例選擇自己適合髮型。
假設你面形短，不妨剪個All Back頭，會有瘦面效果。
Tips：了解自己面形後決定剪髮時如何避重就輕。
Gel頭教學丨3. 男生唔需要用護髮素？
多數男士因爲懶惰或怕太油而拒用護髮素，但其實護髮素與洗頭水係兩種互補產品，護髮素可幫助頭髮形成一層保護膜，令頭髮更柔順，Gel頭時就更方便。
Tips：選擇合適護髮素並每天使用，同時記得護髮素用喺髮絲上而唔係頭皮。
Gel頭教學丨4. 頭髮點Gel都塌下來？
會唔會係髮型產品唔適合你？或者建議你可多擅用男士造型產品，如直髮夾、粟米夾及曲髮夾等。另外，可留意自己髮質而選用不同造型產品，如頭髮太軟可加鹽水。
Gel頭教學丨5. 如何令頭髮造型更有層次感？
看到左右圖片分別？呢位男士經髮型師教導他Gel頭手勢後，整個髮型更有輕盈感，而且沒有一點黏笠感覺。
Gel頭唔係將頭髮Gel得一條條分開感覺，而是將頭髮一撮撮地製造層次感。而最容易方法是將頭髮塗勻髮泥，先至慢慢造型。
想學習Gel頭手勢可看以下片段
