連登仔怨轟：去速剪屋嗰啲抵你一世溝唔到女 !
廣告
香港地係一個生活節奏十分快的地方，無論係做咩都好，只要係快快手做完便可以了。而「速剪屋文化」亦在近年香港興起，唔少男性都會選擇價廉物美的速剪屋剪頭髮。不過在網上一直都有網民認為速剪屋的剪髮技術為零，仲會貶低一些去速剪屋剪頭髮的男性。
連登仔怨轟：去速剪屋嗰啲抵你一世溝唔到女 !
近日有一位網民於連登討論區上以「髮型真係好重要， 飛速剪屋嗰啲抵你一世溝唔到女 ! ! !」為題，去引起一眾網民的討論。而之後該名網民又在文中post出一條影片，影片內容是一名Barber如何利用精湛的技術將一名原本髮量稀疏的男士剪到變濃密髮型，不過當中有涉及到「黑科技」，只要一洗完頭其實都係會變返稀疏。而該名網民則用該影片去暗指速剪屋的師傅沒有此等水準，只是求求其其的剪頭髮就算。
港男反擊：速剪店啲師奶阿嬸其實剪得仲有心機！
不過唔少網民都不認同事主的諗法，認為其實很多時候都係睇樣行先，有網民就指：「啲髮型屋見你係毒X會同你亂剪，細速剪店啲師奶阿嬸其實剪得仲有心機，起碼見你係毒X會歧視你」，有網民則認同此說法並指速剪屋中的師傅會細心地慢慢問清楚你頭髮要的厚薄程度，不似髮型屋剪完就趕你走。
去邊度剪非重點！？
不過都有網民認為，其實去邊剪以及剪成點都並非重點，而是事後回到家中的Gel頭功力，無論剪得幾差都好，如果Gel頭功力足夠的話其實是可以補救得到的。當然都有網民認同一個亙古不變的定律，便無論去邊剪同剪成點都好，其實到最好都係睇樣，靚仔點剪都衰極有個譜；反之，普通人就要俾心機執一執佢了。
中佬愛All Back有原因
網民分析指男人一踏入中年就會愛上All Back髮型，最主要便是因為去到中年唔少男性都會出現髮線向上移以及甩頭髮的煩惱，而該現象令到唔少中佬想留長個頭髮都唔得，無奈之下髮型的選擇娛得少之又少，所以最後就只能變成只有All Back可以去做，之後再甩勁啲可能就個個都要變張偉健…
圖片來源：劇照，QB HOUSE，YouTube
