染髮

七款明星染髮同款!四季都適合

髮型

廣告

有人怕髮色太高調,返工都可能唔適合,或者怕要漂髮而傷害髮質。唔緊要!以下七隻髮色一次滿足大家多個願望。

1. 朱古力棕色

如果覺得黑色髮色太沉悶,不妨染一個朱古力棕色,低調之外又高級,更加係喺無論乜野膚色嘅朋友仔都可以carry到!最適合髮色想簡單但又有點變化嘅你。

染髮 Angelababy同款深棕色,低調之外顯氣質。
Angelababy同款深棕色,低調之外顯氣質。(圖片來源:[email protected]

2. 藍黑色

藍黑色喺室內會呈現成黑色,而喺室外陽光照射底下或者較亮燈光下就會變成藍色嘅神奇髮色,染一次就可以得到兩隻色,如果你喺屬於偏黃嘅膚色,藍黑色絕對喺你顯白髮色嘅第一名!

染髮 Aespa柳智敏藍黑色的髮色在室內較接近黑色。
Aespa柳智敏藍黑色的髮色在室內較接近黑色。(圖片來源:[email protected]_official)
染髮 在燈光下藍色部分更為明顯
在燈光下藍色部分更為明顯(圖片來源:[email protected]_official )

3. 黑茶色

如果你覺得以上推介嘅髮色都唔太適合平時要上班唔方便染髮嘅你,黑茶色絕對會喺你最最最低調嘅首選,不但對黃皮膚嘅亞洲人友好,更加低調顯白又高級,而且仲要喺唔洗漂!唔怕傷到髮絲。

染髮 TWICE Mina黑茶色髮色更顯仙氣
TWICE Mina黑茶色髮色更顯仙氣(圖片來源:[email protected]_sr_my)

4. 冷棕色

顏色偏霧感嘅棕色,喺深色嘅髮色中好難會搵到呢種感覺。冷棕色建議唔想漂髮傷害髮質又唔喜歡普普通通髮色嘅你,洗多幾次髮掉色之後會變成一點點亞麻色嘅感覺,大概可以維持一個半月左右。

染髮 BLACKPINK Jisoo霧冷色感髮色
BLACKPINK Jisoo霧冷色感髮色(圖片來源:[email protected]__)

5. 亞麻灰色

作為最多人關注嘅髮色之一,這款髮色唔單止好睇、顯白,更加可以讓人係眾人之中搵到你!染完感覺好似一個洋娃娃一樣,可愛但又唔俗氣,適合想高調但又有質感嘅你,私心認為配合捲髮更加適合!

BLACKPINK Lisa配上亞麻灰色染髮猶如真人芭比
BLACKPINK Lisa配上亞麻灰色染髮猶如真人芭比(圖片來源:[email protected]_m)

6. 薰衣草紫色

薰衣草紫色不單止夢幻更加吸晴,又甜又嫩、帶點暖色調嘅紫色特別顯氣息,搭配上大髮夾或浪漫大捲髮更加顯得仙氣逼人,適合屬於白皮膚色調嘅你,偏黑黃皮膚色調嘅就要考慮一下,因為呢隻髮色喺需要漂。

染髮 IU一頭薰衣草紫色顯得十分夢幻。
IU一頭薰衣草紫色顯得十分夢幻。(圖片來源:[email protected]

7. 柔霧粉色

雖然大部分髮色對於白皮膚色調嘅膚色都比較友好,但如果唔小心揀錯髮色都好容易「滑鐵盧」,建議可以選擇比較偏向冷色調嘅柔霧粉色,令氣息變得精神之外更加顯白,染完感覺仙女下凡一樣,就算褪色後變成米金色仍然喺仙氣不減。

染髮 少女時代 太妍配上粉色頭髮仙氣逼人。
少女時代 太妍配上粉色頭髮仙氣逼人。(圖片來源:[email protected]_ss)

關鍵詞
染髮明星

YOU MAY ALSO LIKE ...