唔做無眉娘!教你化大熱日系天真眉

造型打扮

廣告

近呢幾年韓妝大熱,行出街一個二個女仔都係韓式一字眉,真係你唔悶我都悶呀!今季流行啲自然嘅無感妝,hit咗咁耐嘅韓式平眉同歐美粗眉妝終於要讓路喇,究竟興啲咩?咪就係日系天真眉囉,呢種眉形唔需要刻意去修飾,就好似BB天生啲眉毛咁,反而俾人1種自然、率真同無辜嘅感覺,重可以幫你減齡添!只要記實下面幾點,天真眉即時get!

text-edel photo-網上圖片

Point 1♥ 眉形要自然
順住本身嘅眉形,唔需要刻意去修飾同改變眉形弧度,亦唔使整粗或者整幼條眉,輪廓模糊嘅眉形先係天真眉嘅重點!

Point 2♥ 眉色要淺
BB嘅眉毛本身就好淺,淡淡嘅眉色令人更young,奶茶啡、淺啡色嘅眉毛先係正解,眉色太深嘅人可以用眉gel將眉毛染淺!

 

內容延讀

Miss Dior需唔需要畫天真眉?

畫完眉,敷埋奇趣mask兼學明星玩selfie

Point 3♥ 眉距要闊
眉距闊望落個人都會溫馴隨和啲,令人容易親近,無害感爆燈!

Point 4♥ 粗濃眉NG!
又濃又黑嘅粗眉已經out喇,一啲都唔自然,記住唔好將條眉用眉筆填到實一實,順住原本嘅眉形畫就得,初學者用番眉粉會易啲控制!

Point 5♥ 強調眉形NG!

天真眉嘅重點係自然柔和嘅眉形,絕對唔可以強調眉頭、眉山同埋眉尾。