小心防曬

我要大曬!唔想黑就要小心防曬陷阱!

造型打扮

廣告

見到太陽伯伯咁勤力,就知道夏天嚟喇!小編一曬就黑,早幾年仲一個唔小心,曬出幾粒斑BB,為此「經一事,蔡一智」,近年就非常極之關注同埋 小心防曬 工夫,經小編多年嘅親身經驗,就知道如果唔想 曬黑 ,就要小心「防曬地雷」!

1. 天陰陰、室內唔使搽防曬?

以前小編都唔知呀,諗住日日匿喺office,使乜驚紫外線啫,咪懶得搽防曬,點知就出事喇!原來紫外線無處不在,就算有烏雲,都未必無紫外線,事關紫外線識得穿透雲層,而室內近窗邊位置,或者使用水銀燈、射燈,都會有紫外線存在,所以,唔該乖乖哋,無論晴天雨天陰天工作天,都必搽防曬!

2. 小心防曬之戶外活動梗係要搽SPF 100產品?

以為防曬愈高系數愈高愈好?其實SPF 50/ PA++++就足夠喇!SPF係指曬紅之後(一般人約為15分鐘)的30倍保護時間,即SPF 50就可以保護750分鐘,所以搽SPF 50就可以保足你全日!而系數高於SPF 50,有可能加入更多嘅化學成分,小心防曬同時敏感肌就要小心使用喇!

3. 一次半次唔記得搽無事嘅!

日曬同黑色素都係會日積月累嘅,就算係間唔中唔記得搽防曬,都會對皮膚造成傷害,咁樣間接性日曬,長期積聚,黑色素就會慢慢浮面,仲會搞到皮膚無晒彈性,產生皺紋,所以千祈咪掉以輕心,防曬真係要日日搽架!,但時間長了就會造成肌膚曬黑、臉上出現斑點、皮膚失去彈性、產生皺紋、老化等現象。

4. 防曬霜一沾水就無效?

質素好、多功能嘅防曬霜,係經得起「水」嘅考驗!記住記住記住,進行戶外活動同水上活動,一定要搽擁有高度防水、防曬、防汗嘅防曬霜,而家有防曬霜已「高科技」到可以遇水愈強,將防曬效能增強,咁就可以盡情玩水喇!

5. 塗防曬一層咪夠囉

有人覺得防曬霜好笠,又或者想慳家,會搽少啲防曬,但防曬霜分量不足,就會令到防曬效能大大減弱,逐漸長出黑斑!如果使用只得建議分量嘅一半,防曬保護就只得番約15%!所以無論邊款質地嘅防曬霜,都最好用至少1茶匙嘅分量!

YOU MAY ALSO LIKE ...