網民：中環成個MK仔集中地！「白領蒲老蘭」變「旺角oversize」
網民嘆蘭桂坊淪為MK地帶：以前真係國際金融中心嚟
有網民在討論區以「乜依家中環變咗mk仔mk妹集中地」發文，指近日在網上看到一段在蘭桂坊街訪年輕人的短片，內容問及他們喜歡及被異性吸引的衣著風格，他們都不約而同地表示oversize的衣著最吸引，一眾女受訪者的衣著打扮以露腰或cut-out背心、熱褲、短裙為主，男的則以oversize穿搭為主，一反專業人士、外國人出沒蘭桂坊的既定印象，「衣著打扮又Cheap又唔專業」。樓主對此感慨以前中環、金鐘是一眾銀行家、律師、醫生、基金經理等的專業人士，以及香港大學學生、外國遊客的熱門蒲點，「以前真係一個國際金融中心嚟㗎，依家變曬啲屯天元秀茂坪上水mk入侵，早10年搞彎尖沙咀，依家搞埋中環、金鐘！」
難明Oversize穿搭顯得又矮又瘦又傻仔
帖文引來網民兩極的反應，大部分認同樓主的觀察，「蘭桂坊本身係真正金融才俊、外籍人士喺中環收工後chill一chill嘅地方，依家畀你班住石峽尾、荃灣、觀塘、秀茂坪、屯元天嘅低層MK仔女嚟污染晒」；亦有網民大數時興oversize衣著的不是「我想知點解要Over size，做gym又over size，去蒲又over size?，真係唔明諗咩」「理解唔到點解oversize好睇，顯得又矮又瘦又傻仔」另一名網民留言認為一套合身的西裝才是王道，「我都想知，可能真係老，跟唔到潮流，我仲係覺得一套好啱身嘅西裝先最好睇」；另有網民補充「十年前開始，啲荃灣、葵廣旺中太子人都開始多咗出現中環一帶，都唔知佢哋學咩人嚟中環玩，好地地佢哋啲地方有屬於佢哋既階層同圈子，咪搞到中環同銅鑼灣雜哂」、「好似話唔知邊到啲酒吧執晒，所以去晒中環玩！」
00後：80、90後自己保守就話人醜
有網民反駁樓主的論點，「其實日本係興緊呢種style，你哋覺得U記牛記笠記舒服、穩陣可以繼續着」、「去吓街都要分階級，講到要高尚有氣質先可以去咁」、「80、90後就係有好多呢啲標籤畀人，同時自己亦非常保守咁，根本就係固步自封」；甚至有網民自稱因轉行日、韓風衣著而成功吸引後生女，又表示MK妹最喜歡的標準風格是「Oversize Tee、闊褲腳、戴Cap帽」。
網民戳破盲點：潮流=好睇？
對於oversize為日、韓大勢潮流，有網民戳破盲點，「人哋興唔係香港呢類，例牌白tee黑褲同一隻風格，咩人都一樣，欠個人風格，人哋個趨勢係呢種風格，再配合自己著開嘅顏色同髮型，真係唔好同人哋比」、「興同好睇就無乜關係嘅」。另有網民從商業角色分析，「（品牌名）多oversize，專登剪接出嚟賣廣告啫」、「（品牌名）本身就MK，寧願去旅行嗰陣買埋，都好過買埋呢啲炒到好貴嘅淘寶貨 ！」
