【欣宜都會讚!】自信肥妹做高難度瑜珈

早前欣宜release咗首新歌〈你瘦夠了嗎?〉,歌詞搵黃偉文填,講就算係肥人都要活得自信,歌唱如:「不要講,話再胖兩磅就要死。超重悲?自卑心更悲!人永遠要愛己!」、「蚊跳到,象都可跳到」,簡直係肥人嘅自信宣言。其實今時今日,瘦已經唔一定係靚嘅同義詞,大尺碼女生一樣可以活得自信。

好似嚟自美國嘅Jessamyn Stanley(@mynameisjessamyn),佢自2011開始,喺《Instagram》上載練習瑜珈嘅相同片。雖然佢係肥妹仔一名,但經過努力練習都可以做出好多極高難度嘅瑜珈動作。正面態度令佢成為網上紅人,目前已有接近8萬人follow佢個《Instagram》,我諗如果佢同欣宜見面,一定會成為好好嘅朋友。

text-Jessie photo-網上圖片

 

從來都冇人規定過一定要瘦先至可以做瑜珈:道理同空肚食早餐一樣,唔做又點會瘦呢?不過好多人會覺得自己身型唔好睇,着緊身瑜珈服、做出摺疊自己身體嘅動作見到啲腩肉,只會引嚟取笑。Jessamyn就係希望透過分享自己嘅瑜珈相,傳達練瑜珈唔分體態,只要有熱情,任何運動都難唔到你,最緊要係開始去做。

 
內容延讀:

運動魂被喚起,睇埋RUN2CONNECT「失明篇」

同樣係有自信很美嘅例子!4大超索變性人

因為Jessamyn爆紅,所以吸引唔少媒體採訪,佢曾喺訪問度談到自己會受歡迎嘅原因,佢認為唔係因為佢嘅外型有幾好、有幾特別,反而係因為佢同大家冇乜分別,就係一個普通人。Jessamyn唔止當做瑜珈係興趣,佢更考獲瑜珈證書,開班教學,希望能夠令更多人一齊接觸瑜珈。

睇到Jessamyn嘅決心,而且咁成功。你重有唔做運動嘅藉口咩?

 

YOU MAY ALSO LIKE ...