【你今日跳咗未?】纖體最勁,想瘦就跳鋼管舞吧!

女生

廣告

今時今日,如果你重覺得鋼管舞好cheap,跳鋼管舞=脫衣舞孃/發姣嘅話,我唔會話你out,因為你只係思想污穢啫!鋼管舞(pole dance)係將舞蹈同體操結合嘅運動,跳pole dance少啲力氣同耐力都唔得,因為dancer需要利用支鋼管做出旋轉、攀爬、倒吊等等嘅高難度動作,同做運動一樣,長期訓練嘅話會有消脂、減肥、健身效果,令到身體線條靚啲,加埋性感舞姿,女人味即時up up up!以往pole dance多數喺夜店、strip club出現,先至俾人色情嘅印象,而家pole dance已經成為近年全球最熱門嘅瘦身運動,想練出今年流行嘅「蜜大腿」,記住學喇!

text-edel photo-網上圖片

台灣代表
講到娛樂圈嘅pole dance代表,蔡依林Jolin敢認第2無人敢認第1,台灣亦都有好多女星識跳㗎,求其噏已經有小S、郭書瑤、小嫻、賴琳恩等等喇!

蔡依林
台灣天后Jolin身材fit到漏,有波、有腰、有「蜜大腿」兼翹臀,唔到你唔服,屬於易胖體質嘅佢,就係靠做運動keep fit,不過講到最愛都係pole dance!除咗MV之外,Jolin亦都成日喺concert表演pole dance,今年《Play世界巡迴演唱會》嘅加場門票,17分鐘內已經賣晒喇,果然係天后!

郭書瑤
台灣女星郭書瑤憑「童顏巨乳」成為宅男女神,瑤瑤雖然近年轉走實力路線忙於拍戲,但一得閒就會跳鋼管舞同跑步keep住好身材,喺鋼管倒吊、一字馬一啲都難佢唔到!

日本代表
隔籬飯係香啲,日本妹一向都樣靚身材正,除咗過氣天后步姐濱崎步舊年喺東京「a-nation」,以性感打扮大跳鋼管舞之外,其實喺日本pole dance已經好普及,日本重有一班pole dance愛好者爭取緊將鋼管舞列為奧運會嘅比賽項目添!

松岡李那
日籍model松岡李那身材一向火辣,最近撈過界唱埋歌,拍攝全新廣東歌〈無敵愛美神〉MV時,更大跳pole dance,原來Linah 6年前已經喺日本學過鋼管舞,完美身形係要付出嘅!


即睇〈無敵愛美神〉 40秒MV預告!

紅音螢
日本前AV女優紅音螢,應該唔少男人都會識,5年演出咗450部AV,更加因為誇張嘅「潮吹」紀錄而被封為「潮吹女王」!離開咗AV圈後,佢成功轉型做model、夜店DJ同職業pole dancer,幾乎每日都練習pole dance嘅佢,身材唔止fit咗,面色都紅潤健康咗!

 

內容延讀

今期流行蜜大腿,你練咗未?

除咗鋼管舞,着比堅尼前要學極速減肥方法

 

韓國代表
K-pop女星個個跳得唱得,兼且好身材,pole dance又點會難到佢哋?好似女團After School、Miss A、T-ara嘅恩靜、Apink嘅普美同少女時代嘅允兒都表演過鋼管舞。

本地薑
講咗咁多日韓台女星,係時候講下香港代表,不過小記留意到港女都係鍾意跟風多,舊年好hit空中瑜伽個個都走去學,今年就多咗好多人玩pole dance啦,好似《2015香港小姐競選》入面嘅參賽佳麗,「谷胸心悠」Celine同埋「密實周秀娜」Ashley都有玩開。

 

內容延讀

今期流行蜜大腿,你練咗未?

除咗鋼管舞,着比堅尼前要學極速減肥方法

 

 

強國代表
唔講唔知,原來內地都好興pole dance,好似山東一班農村女仔就喺當地嘅舞蹈培訓班到苦練鋼管舞,即使受傷都唔放棄,講到呢到係咪覺得好勵志?咪住,原來佢哋只係想學成之後,可以搵到份月入近萬蚊人民幣嘅表演工作咋!

喺地鐵跳pole dance真係好騎呢兼影響市容,我唔希望喺香港會見到囉!


外國代表
比起亞洲地區,歐美更多人跳pole dance,嚟自英國嘅Kerry Derham絕對係「地獄黑仔王」,佢10年前患咗子宮頸癌,要切除部分子宮頸,之後又失戀,又被朋友借錢拖累,搞到貸款買嘅樓被銀行查封,人生低潮令佢憂鬱兼暴食,167cm高嘅佢由64kg肥到89kg,好彩鋼管舞令佢搵番人生目標,重1年內減到57kg,瘦身成功!

不過玩時玩,隆過胸嘅人跳pole dance一定要特別小心!點解?

睇埋世界級鋼管舞!

今年4月喺北京舉行嘅世界鋼管舞大賽,冠軍得主唔係嚟自以上提過地區,而係嚟自俄羅斯嘅Galina Musina。想知點解會係佢勝出?即睇片!

 

內容延讀

今期流行蜜大腿,你練咗未?

除咗鋼管舞,着比堅尼前要學極速減肥方法

 

 

 

 

YOU MAY ALSO LIKE ...

There are 5 comments

Add yours

Comments are closed.