【Switch】最期待嘅畫面出現喇! 4K Switch終於嚟啦!

【Switch】最期待嘅畫面出現喇! 4K Switch終於嚟啦!

遊戲

【Switch】根據外媒爆料任天堂Nintendo打算喺今年推出一款升級版嘅新Nintendo Switch,報道指呢款新Switch將具備較大嘅7吋OLED屏幕,並採用720p屏幕面板,屏幕將會由Samsung Display 供應,最重點係咩?就係大家最期待嘅4K終於嚟啦!

撰文:odin | 圖片來源:Nintendo

【Switch】最期待嘅畫面出現喇!

喺舊年已經有唔少外媒爆料任天堂Nintendo打算喺今年推出新款嘅Switch,除咗提供更強大嘅Switch效能之外更會支援4K解析度,但隔咗好耐都冇任何消息作補充,近日終於又有外媒爆料指新款Switch將會採用更大嘅7吋OLED螢幕,喺TV模式裡面輸出嘅影像解析度更會高達4K,Nintendo Switch已經係2017嘅產品,面對PlayStation 5及Xbox Series X供應量逐步穩定嘅市場,唔少機迷都喺今年升級遊戲主機,外媒傳任天堂Nintendo正計劃加強Nintendo Switch嘅產品線作應對,現時Nintendo Switch及Switch Lite分別採用6.2吋同5.5吋兩種尺寸嘅720p LCD屏幕面板,任天堂Switch希望透過面積更大,光度更亮、色彩更鮮豔及更快反應時間嘅OLED屏幕面板,嚟吸引更多玩家進行Switch主機升級。

 

【Switch】外媒爆料4K總算成真。
【Switch】外媒爆料4K總算成真。
【Switch】其他款會唔會都有可能?
【Switch】其他款會唔會都有可能?

【Switch】4K Switch終於嚟啦!

外媒爆料任天堂Nintendo打算喺今年推出新Nintendo Switch,新Switch將具備7吋OLED屏幕並採用720p屏幕面板,以迎合遊戲開發者及玩家今時今日嘅需要,但有傳喺手提模式嘅時候,由於要確保電池使用時間所以面板顯示仍然係720p,但有望透過OLED每粒像素獨立發光嘅特性嚟延長電池壽命,相信依然有轉變嘅空間。外媒亦指出Samsung Display最快將會喺6月就開始量產呢塊OLED面板,並喺7月赴運畀任天堂,初步產量約100萬塊,以日程計算7吋Nintendo Switch最大機會可以趕及今年聖誕檔期呢個銷售旺季推出,大家係咪好期待呢?

 

【Switch】4K畫質有望喺電視/屏幕成真。
【Switch】4K畫質有望喺電視/屏幕成真。
【Switch】根據報導屏幕變大,但最大強化位係個盒。
【Switch】根據報導屏幕變大,但最大強化位係個盒。

YOU MAY ALSO LIKE ...