【食鬼】Switch最新免費遊戲 新增食雞式玩法《PAC-MAN 99》正式推出
撰文：odin | 圖片來源：遊戲截圖
【食鬼】《Switch》最新免費遊戲
近年吃雞遊戲玩法盛行，任天堂早喺2019年訂閱服務「Nintendo Switch Online」上面，就曾經推出過類似玩法嘅《俄羅斯方塊99》，隔年再推出期間限定嘅《超級瑪利歐兄弟35》，分別對應99人、35人吃雞玩法，以擊敗對手並生存到最後為目的，今次《PAC-MAN 99(食鬼99)》以99人對戰形式化為多人混戰遊戲，利用「Nintendo Switch Online」重可以同世界各地嘅玩家一較高下，而且今集《PAC-MAN 99(食鬼99)》加入大量新嘅玩法，加上大量額外內容，要玩晒《PAC-MAN 99(食鬼99)》咁多個模式都有排玩！
【食鬼】《PAC-MAN 99》正式推出
任天堂與萬代南夢宮娛樂早前宣布經典遊戲《PAC-MAN 99(食鬼99)》正式加入「Nintendo Switch Online」，玩家將操作熟悉嘅「PAC-MAN(食鬼)」去攻擊其他玩家，生存到最後一刻成為「PAC-ONE」，過程入面玩家需要躲避「幽靈」嘅追殺，並且利用「能量球」轉守為攻逆轉形勢，被擊退嘅幽靈會變成「搗蛋PAC-MAN」，並傳送到其他玩家嘅畫面入面，接觸到就會減慢你嘅速度，此外拖住「睡眠幽靈」嘅狀態下吃咗「能量球」，便會向其他玩家傳送大量嘅「搗蛋PAC-MAN」，絕對係《PAC-MAN 99(食鬼99)》勝負嘅重要關鍵之一。
【食鬼】新增食雞式玩法
《PAC-MAN 99(食鬼99)》除咗基本玩法外，今集《PAC-MAN 99(食鬼99)》亦加入咗多種策略，例如將移動速度提升至兩級嘅「速度」、狙擊即將「GAME OVER」嘅對手等新玩法，策略多達8種，善用並成功生存到最後，就可以成為「PAC-ONE」，《PAC-MAN 99(食鬼99)》基本版為「Nintendo Switch Online」用戶免費版本，額外嘅「可下載內容(DLC)」則加入咗「開放模式」、「時間攻擊」以及「多達20種嘅自定義主題(例如向其他復古的萬代遊戲致敬嘅版圖)」，包含以上「可下載內容(DLC)」嘅「PAC-MAN 99 DX PACK」售價港幣199元。
有沒有switch遊戲推薦？
作為現時最具人氣的遊戲主機之一的Switch，遊戲種類非常多，必玩最新14款Switch遊戲推薦2022。想一邊打機一邊做運動減肥？這8款Switch健身遊戲絕對令你玩到爆汗，有日本媽媽玩Ring Fit 9個月激減44磅！想慳錢又想玩game，即睇20隻Switch 免費遊戲推薦，總有一款適合大家！
有手遊或者線上遊戲推薦嗎？
以前Online Game都還沒普及，線上小遊戲確為不少90後提供了很多娛樂，當中12個線上經典小遊戲你一定有玩過。《金庸群俠傳》絕對是DOS經典遊戲之一，「在線DOS遊戲」的網站裡面有合共1898款DOS遊戲，無需安裝任何程式！手遊方面，這三款手遊推薦必不可錯過！
