Sony申請「 香蕉 」專利 香蕉等物品變控制器可雙持

Sony申請「 香蕉 」專利 香蕉等物品變控制器可雙持

相比起傳統家用遊戲機必須使用控制器先可以操作,操作使用介面設定亦相當局限,隨住科技日新月異,有冇諗過身邊任何物品都可以化身成為手掣呢?Sony呢款新專利或者可以打破呢個限制,同時令遊戲互動可以變得更有彈性及趣味,此外亦都可以減低控制器使用需求,亦能有效避免產生更多電子垃圾。

撰文:odin | 圖片來源:gamesindustry

【Sony】Sony申請「 香蕉 」專利

隨住科技日新月異,打機唔一定再需要只係揸住手掣先玩得,外媒爆料Sony舊年7月提出,並且喺今年2月初獲通過嘅一項特別設計專利入面,就提及可以將非控制器變成可操控,並使用喺Sony家用遊戲主機上面嘅新技術,令任何物件都可以變成Sony手掣,當中就提及過香蕉。根據Sony上月發布嘅專利申請書指出:「呢啲非發光電子裝置可以係香蕉、橙、水杯、鋼筆及玻璃等物件,上述範例物件都係未有內部傳感器,而呢啲物件我們叫佢做「被動物體」,因為佢哋唔會主動產生或者發射數據(例如光線或訊號),如果用家能將一啲既便宜又簡單嘅非電子裝置變成Sony遊戲周邊,呢樣嘢會相當吸引。」

【Sony】新技術令任何物件都可以變成Sony手掣。
【Sony】新技術令任何物件都可以變成Sony手掣。
【Sony】將日常生活接觸到嘅任何物件都可以化身成為Sony手掣。
【Sony】將日常生活接觸到嘅任何物件都可以化身成為Sony手掣。

【Sony】香蕉等物品變控制器可雙持

Sony家用遊戲機手掣所需技術非常多,例如有:無線連接、陀螺儀、觸覺反饋等,而衍生出嚟嘅Sony控制器相當複雜而昂貴,重會有充電上嘅問題,如果呢樣Sony新技術成功嘅話,用家就可以將日常生活接觸到嘅任何物件都可以化身成為Sony手掣,藉住鏡頭嚟捕捉動態嘅技術專利,Sony專利重提及到喺3D空間轉動香蕉、以及使用PSVR可能發生嘅狀況,亦有測試過同時使用兩條香蕉作為Sony控制器嘅狀況,令用家們存有雙持手掣嘅幻想空間,不過呢類非電子物件嘅控制能力始於存有極限,就算專利申請最終通過,都無辦法確定到Sony最終是否喺未來將呢樣嘢應用喺商品領域上面,對呢樣嘢有期待嘅用家相信要耐心等待進一步消息。

【Sony】任何物件都可以變成手掣,特別提及過香蕉。
【Sony】任何物件都可以變成手掣,特別提及過香蕉。
【Sony】香蕉等物品變控制器可雙持。
【Sony】香蕉等物品變控制器可雙持。

關鍵詞
sonyPS5

YOU MAY ALSO LIKE ...