《RO仙境傳說:新世代的誕生》簡易攻略 六大職業法師、弓手、刺客起手無難度

《RO仙境傳說:新世代的誕生》簡易攻略 六大職業法師、弓手、刺客起手無難度

人氣手遊《RO仙境傳說:新世代的誕生》推出後極度火熱,如果你想加入但又未諗好做咩職業嘅話,究竟法師、弓手、刺客最好?唔使心大心細啦!以下將會為大家講解各職業優缺點,畀個明確方向令你更加容易揀之後條路點行,廢話少講直接睇簡易攻略。

撰文:Odin |圖片來源:官方網頁|編輯:Easy

 

《RO仙境傳說:新世代的誕生》簡易攻略

人氣手遊《RO 仙境傳說:新世代的誕生》多款職業花多眼亂
人氣手遊《RO 仙境傳說:新世代的誕生》多款職業花多眼亂

 

 

時間就是金錢 商人

作為唯一可以自行擺檔嘅職業, 商人 除咗擺檔賺錢之外重有極具自由度嘅玩法,可以選擇自我能力加持再埋身戰鬥,或者採用人氣嘅手推車技能進行範圍傷害,甚至可以用銀彈戰術發動金錢攻擊去擊倒敵人,算係遊戲入面較為有趣嘅職業。

 

遠程 魔法師 先苦後甜

講到《RO 仙境傳說:新世代的誕生》人氣職業,當然唔少得 魔法師 ,作為擁有遠程兼強大範圍傷害嘅 魔法師 一個字爽,但爽嘅前題係要中後期裝備入手先會享受到,前期艱苦嘅升級之路會否令你卻步?唔同屬性走向亦都影響你清怪嘅速度, 魔法師 善於利用火水風地念元素對付敵人,例如冰雷屬喺副本相當有效,先用冰控場再用雷製造傷害,同樣組合亦有地火呢個選擇,地火同樣擁有控場及傷害,掛機首選。

商人魔法師各具特式又真係幾難揀
商人魔法師各具特式又真係幾難揀

 

攻守兼備鐵三角 劍士

喺 RO 入面 劍士 絕對係玩家首選之一,除咗可以充當單體輸出角色外,能夠成為全職坦克加埋上手簡單嘅操作令佢成為新手最愛之一,利用 挑釁 吸引敵人注意再輸出,無論喺副本定野外都係唔錯嘅選擇,因應係想選擇攻擊定防守嚟決定加點攻擊(敏劍、槍騎)定生存(體騎)方面,想成為全場焦點又點可以唔揀佢。

 

團戰必備奶媽 服事

大愛職業 服事 絕對係入手最簡單嘅職業,能力以治療及能力加持(BUFF)嘅佢係副本不二之選,隨住等級提昇重可以學到多種加強能力技能,如果你以為企喺後面補血加血驅下魔無咩挑戰性,亦可一反常態選擇暴力流玩法,轉職成後期登場嘅 武僧 令自己成為攻擊主力。

劍士同服士都係全心為隊友嘅職業,考驗你嘅團隊精神
劍士同服士都係全心為隊友嘅職業,考驗你嘅團隊精神

 

靈活遠程輸出 弓手

善於使用陷阱來控制目標嘅 弓箭手 擁有靈活度極高嘅遠程攻擊手段,基本拉打手段習慣之後難度算一般(亦可在前期越級挑戰高等級敵人),利用火水地聖元素加持下,在學會範圍傷害後配合陷阱控場下,清怪速度絕對係數一數二(配合射擊類絕對係升級(搶怪(X))不二之選),但受機體影響在後期影響力會略為回落,但亦屬輸出主力之一。

 

單體輸出之道 盜賊

《RO 仙境傳說:新世代的誕生》單體輸出職業 盜賊 上手有相當難度,善於用毒配上高閃避來擊倒敵人,攻速流可以享受高速殺敵嘅爽度,愛好爆擊可以選擇爆及隱刺,傷害輸出不錯亦有自保手段,掛機首選 CD 較短嘅毒刺,減少魔力消耗以持續性輸出換取長時間嘅掛機方法,加上強勢嘅 PVP 技能組,令盜賊成為玩家人氣選擇之一。

弓箭手及盜賊作為遠程及近戰物理輸出王者你又點選擇
弓箭手及盜賊作為遠程及近戰物理輸出王者你又點選擇

 

同場加映

《原神》 新手入坑、雷點你要知 首抽角色簡介 遊戲竟然涉嫌抄襲風波?

YOU MAY ALSO LIKE ...