PC遊戲2020年新作列陣 10月底遊戲大作推薦

PC遊戲2020年新作列陣 10月底遊戲大作推薦

【PC遊戲2020】嚟緊 10 月底有唔少PC遊戲大作推出,你又 Mark 中邊幾隻呢?今次就同大家推薦幾款唔同類型嘅作品,有台灣創作嘅冒險遊戲《Carto》,大宇經典作品《軒轅劍柒》同埋驚懼解謎遊戲《黑相集:稀望鎮》,總有一款 PC 遊戲啱你玩。
撰文:Odin |圖片來源:官方網頁|編輯:Easy

PC遊戲2020年新作列陣

10月底PC新作多種類型選擇
10月底PC新作多種類型選擇

 

《Carto》小不點挑戰奇妙國度

由台灣獨立遊戲團隊開發嘅 PC 遊戲《Carto》講述一位小冒險家隻身勇闖奇妙國度,遊戲世界觀會因應你遇到嘅劇情及人類而作出變化,玩家可以穿越例如沙漠、平原、森林、島嶼以至冰川等場景,玩法因應地圖變幻更加層出不窮,要喺呢個神秘國度生存,資源當然唔少得,要點樣生存落去,就要靠你嘅智慧啦。

要運用你嘅急智去解決唔同問題

要運用你嘅急智去解決唔同問題

時隔5年經典著作《軒轅劍柒》續作再現

由台灣開發商大宇旗下製作團隊推出嘅最新 PC 作品《軒轅劍柒》嚟緊月尾將會推出,繼上集《軒轅劍外傳:穹之扉》已經時隔5年,今次將會以西漢末年時空為背景,各地揭竿而起政權爭鬥不休,重有人暗地裡用機關術作亂,玩家將扮演朝中命官遺孤太史昭為保護家人踏上斬妖除魔之路。

畫質大大提昇嘅經典作品
畫質大大提昇嘅經典作品

 

系列第二部《黑相集:稀望鎮》解開謎團

提到《黑相集:稀望鎮》大家係咪會諗起《直到黎明》?因為兩隻遊戲都係相同研發團隊 Supermassive Games 製作,今集更係系列作第二部,承上集《黑相集:棉蘭號》的電影式冒險玩法後,今集同樣可以操控多位角色,因應你嘅選擇嚟決定你嘅故事內容及結局,多重結局當然係遊戲重點,你嘅每一個選擇都會引起蝴蝶效應,從而改寫你嘅命運。

你要如何破解呢個蝴蝶效應
你要如何破解呢個蝴蝶效應

 

《黑相集:稀望鎮》
《黑相集:稀望鎮》
多重結局當然係遊戲重點
多重結局當然係遊戲重點

 

總結:三款遊戲玩法不同,耐玩度極高嘅《Carto》絕對係近排毒作之一,一玩絕對停唔到落嚟。喜歡故事劇情嘅你亦不能錯過經典作品《軒轅劍柒》,嚟緊萬聖節《黑相集:稀望鎮》亦預返個檔期,充滿驚懼氣氛嘅遊戲最適合同朋友一齊邊玩邊大嗌。

 

同場加映

Steam遊戲特賣會日期曝光 四段時限你要Mark實

YOU MAY ALSO LIKE ...