高手修BUG成功獲官方贈1萬美元 《GTA Online》登入時間縮短70%

遊戲

廣告

《俠盜獵車手 5(Grand Theft Auto V:GTA5)》七年多來一直沒被修復的《GTA Online》啟動時讀入過慢問題,唔少玩家抱怨《GTA Online》官方未有處理讀取速度慢呢個問題,而《GTA Online》呢個問題終於引到人出手,但呢個人並唔係《GTA Online》官方,而係一位黑客Tostercx,佢終於搵到《GTA Online》個問題所在,呢個問題居然係因為一個多餘嘅BUG所引起,近日Rockstar終於實裝咗呢個更新檔,據玩家回報讀取加快嘅效果十分顯著,足足縮短咗成70%。

撰文:odin | 圖片來源:遊戲截圖

GTA Online】《GTA Online》登入時間縮短70%

《俠盜獵車手 5(Grand Theft Auto V:GTA5)》七年多來一直沒被修復的《GTA Online》啟動時讀入過慢問題,部份玩家甚至表示自己需要等待數十分鐘以上先入到遊戲,呢個問題終於令黑客Tostercx忍唔住出手,利用程式查明《GTA Online》讀碟過慢嘅原因,最後居然發現係《GTA Online》程式碼裡面一個函數設置失誤,令玩家無啦啦等多幾分鐘,Rockstar近日終於更新咗「GTA V Title Update 1.53」,更新明確地列明已經修正咗PC版為人詬病嘅讀取問題,並喺Reddit論壇上引發廣大討論,有機迷重話原本讀取要成7分幾鐘,而家只需要1~2分鐘就入到,速度相當驚人。

【GTA Online】機迷收到呢個消息都異常興奮。
【GTA Online】機迷收到呢個消息都異常興奮。
【GTA Online】民間高手成功打動官方處理呢個困擾機迷多年嘅問題。
【GTA Online】民間高手成功打動官方處理呢個困擾機迷多年嘅問題。

【GTA Online】高手修BUG成功獲官方贈1萬美元

黑客Tostercx表示佢部電腦用成6幾分鐘先入到《GTA Online》,而呢段讀取《GTA Online》遊戲時間裡面,電腦有4分幾鐘因為讀取《GTA Online》程式問題,嚴重耗用處理器資源,最後經佢修改後,成功跳過重複嘅檢查令《GTA Online》嘅讀取時間由6分幾鐘縮減成1分50秒,早前Rockstar終於表態,經過官方仔細研究後,確認Tostercx嘅方法能夠改善PC版《GTA Online》嘅載入時間,最終決定採納對方嘅做法,並且會喺下一次更新時就會解決呢個問題,「GTA V Title Update 1.53」更新內容針將會對PS4、Xbox、PC嘅網路通訊作修改及改善,亦同時修正咗PC版讀取問題之餘,重會追加咗幾架新車輛:包括:「Grotti Brioso 300」、「Nagasaki Weaponized Dinghy」以及「Dinka Verus」。據悉Rockstar喺更新說明檔再一次感謝呢位民間高手tostercx,重破例提供1萬美元作為獎勵,但有唔少玩家認為只係得1萬美元實在太少。

【GTA Online】神人出手終於成功解決問題。
【GTA Online】神人出手終於成功解決問題。
【GTA Online】成功為遊戲登入時間縮短70%。
【GTA Online】成功為遊戲登入時間縮短70%。

有沒有switch遊戲推薦?

作為現時最具人氣的遊戲主機之一的Switch,遊戲種類非常多,必玩最新14款Switch遊戲推薦2022。想一邊打機一邊做運動減肥?這8款Switch健身遊戲絕對令你玩到爆汗,有日本媽媽玩Ring Fit 9個月激減44磅!想慳錢又想玩game,即睇20隻Switch 免費遊戲推薦,總有一款適合大家!

有手遊或者線上遊戲推薦嗎?

以前Online Game都還沒普及,線上小遊戲確為不少90後提供了很多娛樂,當中12個線上經典小遊戲你一定有玩過。《金庸群俠傳》絕對是DOS經典遊戲之一,「在線DOS遊戲」的網站裡面有合共1898款DOS遊戲,無需安裝任何程式!手遊方面,這三款手遊推薦必不可錯過!

關鍵詞
GTA5game