GameBoy變成挖礦機? 外國神人改造4顆電池就挖得!

GameBoy變成挖礦機? 外國神人改造4顆電池就挖得!

挖礦熱潮越燒越勁,全球各地爭住挖,令唔少電腦顯卡斷晒貨,咁到底「挖礦」係咩嚟?網路上其實有好多種加密貨幣流通緊,例如「比特幣(Bitcoin)」、「以太幣(Ether)」、「瑞波幣(Ripple)」,全球嘅「礦工」們都希望獲得嘅,就非「比特幣(Bitcoin)」莫屬,最近「特斯拉」創辦人「馬斯克」宣布可以用「比特幣」購買「特斯拉」汽車,隨即引來一位突發奇想嘅國外「Youtuber」,改造咗部「GameBoy」用來挖礦,得係得啦!不過要挖幾耐先有呢?

撰文:odin | 圖片來源:stacksmashing影片截圖

【Gameboy】GameBoy變成挖礦機?

身為目前最火紅數位貨幣之一嘅比特幣,由於獲取難度高且物以稀為貴嘅條件下,導致比特幣相對價值非常高,喺數位貨幣市場上面,比特幣甚至成為一種「股票」式操作,佢可以用嚟當作保值品投資,亦都可以將佢轉換成各國貨幣並存入銀行帳戶,好多網店甚至直接支援使用比特幣購買商品,喺有咁嘅商機底下,就引嚟唔少奇人異士諗盡方法去賺錢,國外「Youtuber」「StackSmashing」近日就突發奇想,佢表示一直都好難買到顯示卡嚟挖礦,於是就有改造「GameBoy」嘅念頭,拎部「GameBoy」 用嚟挖礦,結果真係畀佢成功咗。

【Gameboy】GameBoy變成挖礦機?
【Gameboy】GameBoy變成挖礦機?
【Gameboy】神人成功改造GameBoy成挖礦機!
【Gameboy】神人成功改造GameBoy成挖礦機!

【Gameboy】外國神人改造4顆電池就挖得!

「GameBoy」作為「任天堂」喺1989年推出嘅掌上型遊戲機,佢嘅運算能力絕對唔可以同現今電子產品相比,「StacksMashing」近日喺佢「YouTube」頻道發表咗一段以「GameBoy」挖礦嘅影片,隨即被瘋傳,傳嘅唔係因為佢挖到幾多,而係居然真係挖得到。「GameBoy」本身只有4.19Mhz頻率嘅處理器,以及8MB記憶體,重點係部機沒有連接網路嘅功能,於是佢就利用咗一個「Raspberry Pi Pico」連接「GameBoy」原本用來連線對戰嘅插口,成功改造「GameBoy」變成可以上網,「Stacksmashing」重幫部「GameBoy」編寫咗專用嘅挖礦程式,成功咁開始咗挖礦嘅工作,不過話雖則成功,但最令人關注嘅就係「GameBoy」嘅挖礦速度,用頂尖顯卡挖礦效率當然高,但「GameBoy」嘅運算能力只有每秒0.8,以呢個速度計算,要挖一個「Bitcoin」至少需要數百萬年時間。

 

【Gameboy】外國神人改造4顆電池就挖得!
【Gameboy】外國神人改造4顆電池就挖得!
【Gameboy】不過時間方面呢!
【Gameboy】不過時間方面呢!

YOU MAY ALSO LIKE ...