年內推出支援多平台進度共享 《Diablo II: Resurrected》高清重製版

年內推出支援多平台進度共享 《Diablo II: Resurrected》高清重製版

Blizzard喺「線上暴雪嘉年華 BlizzConline」入面公開咗《暗黑破壞神2:獄火重生(Diablo II: Resurrected)》遊戲片段,證實呢款《暗黑破壞神 2(Diablo II)》經典遊戲將會推出高清重製版,官方表示重製此作因為有唔少死忠依然留守遊玩,遊戲將於多個平台推出之餘,各個平台嘅資料共通使用,令玩家升級刷寶更加方便。

撰文:odin | 圖片來源:官方圖片

【Diablo II】《Diablo II: Resurrected》高清重製版

《暗黑破壞神2:獄火重生(Diablo II: Resurrected)》係以20年前經典遊戲《暗黑破壞神 2(Diablo2)》為基礎高畫質重製嘅作品,遊戲重包埋《暗黑破壞神 2(Diablo2)》以及《暗黑破壞神 II:毀滅之王(Diablo II: Lord of Destruction)》DLC資料片,重製版將以4K高畫質配以改良版嘅視覺效果,包括有全新嘅動畫、動態光線、全新材質以及經過改良嘅視覺效果等,玩家重可以撳一個掣,隨時將《暗黑破壞神 2(Diablo2)》重製版嘅遊戲畫面切換成懷舊風格嘅「原版」內容,藉此重溫返當年喺網吧煲《暗黑破壞神 2(Diablo2)》嘅感動,今次重製不單係遊戲畫面提昇,同時重支援寬螢幕及搖桿等功能,

【Diablo II】年內推出支援多平台進度共享

今次《暗黑破壞神2:獄火重生(Diablo II: Resurrected)》亦支援8人合作模式以及城鎮外進行PvP決鬥等原創功能,《暗黑破壞神 2(Diablo2)》製作人重指出:「掉寶方式依然同以往一樣,打怪後只會有一個寶物,我們內部本來有討論過畀每個玩家有各自嘅寶物掉落,但考量到咁嘅改變會同原本嘅遊戲體驗差異太大,決定按照過去嘅一樣,所以各位玩家要小心避免有人捷足先登!」此外《暗黑破壞神 2(Diablo2)》重製版將會有長達27分鐘嘅過場動畫,從頭到尾每個鏡頭全部都會以杜比7.1環繞聲技術進行重製,並涵蓋《暗黑破壞神 2(Diablo2)》完整嘅RPG角色進度系統以及豐富嘅物品系統等,《暗黑破壞神2:獄火重生(Diablo II: Resurrected)》遊戲會喺2021年內推出喺PS4/PS5、Xbox One/Xbox Series X|S、Nintendo Switch以及PC等平台,各平台資料將會共通使用。

PC版嘅Technical Alpha測試版正在招募玩家加入,有興趣嘅朋友可前往 官方網站 報名。

 

相關文章

Capcom Arcade Stadium刪改部份內容 眼利網民發現消失的區旗

【Switch】《糖豆人:終極淘汰賽》夏天登陸 破壞友情遊戲 支援60人大混戰

《漆彈大作戰3》等多款遊戲最新消息 Nintendo Direct發布會懶人包

YOU MAY ALSO LIKE ...