Capcom Arcade Stadium刪改部份內容 眼利網民發現消失的區旗

Capcom Arcade Stadium刪改部份內容 眼利網民發現消失的區旗

《Capcom Arcade Stadium(卡普空街機博物館 ) 》近日推出,唔少機迷都想再次玩返經典格鬥遊戲《街頭霸王》系列,一位眼利嘅日本網民發現呢隻遊戲並非單純移植咁簡單,有部份內容並沒有跟足原來版本,到底點解會咁嘅呢?

撰文:odin | 圖片來源:ぽめ@Twitter

Capcom】眼利網民發現消失的區旗

如果大家有玩過《超級街頭霸王II》嘅話,都會知道今集《超級街頭霸王II》有加入數名角色,令可以選擇嘅角色增加至16名,而每個角色都有一個所屬嘅國家或地區,《超級街頭霸王II》裡面其中一名角色叫做「飛龍」,佢就係屬於香港,選擇該名角色時會出現所屬嘅香港區旗,但移植到《卡普空街機博物館 (Capcom Arcade Stadium) 》時,香港區旗居然被修改為中國五星旗,更有網民直指其實「飛龍」區旗已經被修改過,最早期原本係用英國屬地嘅旗幟,直到2018年推出嘅《街頭霸王30週年紀念合輯》中換成咗紫荊旗。

 

【Capcom】Arcade Stadium刪改部份內容

除咗《超級街頭霸王II》「飛龍」事件之外,《街頭霸王II》亦都出現過類似嘅問題,唔知大家重記唔記得裡面有個角色叫「E.本田」,佢主場係間日本浴場,背景好座勁大嘅富士山壁畫,當你擊倒對手嗰陣,會彈出紅黃間嘅「旭日旗」,呢個位過往曾經被大做文章,今次終於冇得留底,改為純紅或純黃嘅閃爍背景,有眼利嘅網民就突破盲腸,指如果係為更新旗幟嘅話,點解「蘇聯佬(Zangief)」旗幟重係用緊蘇聯(U.S.S.R)而唔係俄羅斯?引嚟網民各種熱烈討論。

【Capcom】網民突破盲腸點解蘇聯未修改?
【Capcom】網民突破盲腸點解蘇聯未修改?

 

相關文章

【Switch】《糖豆人:終極淘汰賽》夏天登陸 破壞友情遊戲 支援60人大混戰

《漆彈大作戰3》等多款遊戲最新消息 Nintendo Direct發布會懶人包

關鍵詞
Capcomgame

YOU MAY ALSO LIKE ...