感人遊戲

盤點10款玩到流馬尿遊戲 網民:呢啲劇情可以拍電影

遊戲

廣告

相信唔少人都有打機的習慣,有時打機除咗感受到中的快感、成功感、畫面的精美之外,當中遊戲的劇情鋪排同設定都相當重要!有啲遊戲的劇情簡直係神作,令人打機時唔單止為求升lv,仲會追故,仲會因為個故事太感人而哭咗!近日有網民就發起一個討論為「有咩Game 會玩到流馬尿 ?」,惹起網民的熱烈討論,一文細數10隻網民力推感人落淚的遊戲!

1.《Red Dead Redemption 2》

《碧血狂殺2》被譽為「GTA版西部牛仔」網民力指呢隻係人生唯一玩到喊的遊戲「Authur Morgan 結局,望住嗰日出嗰陣,我條女喺我隔離撳緊手機,我扮急屎,停咗隻game 入廁所喊,RDR2屈在明明首集主角都好受歡迎個個都好唔捨得,出game 前大家對前傳唔算特別有期望,無諗到Authur Morgan 人物刻畫徹底超越首集,對救贖呢個主題表達得更淋漓盡致。Johnny 路人化慘成condom 但完全無人介意,因為故事太正,Authur Morgan 太正」網民發起的討論得到唔少人的認同「我都係RDR2,好多地方都有感動位,除左結局,死左隻馬我都喊,由guarma 返 shady belle 播埋首 Unshaken」

感人遊戲 盤點10個玩到流馬尿遊戲 網民:呢啲劇情可以拍電
(圖片來源:Red Dead Redemption 2)
感人遊戲 盤點10個玩到流馬尿遊戲 網民:呢啲劇情可以拍電
(圖片來源:Red Dead Redemption 2)

2.《To The Moon》

呢款係一款角色扮演類遊戲,劇情講述西格蒙德公司(Sigmund Corp.)擁有能夠編織人工記憶的技術,提供「實現願望」的服務。不過呢種人工記憶會同人的真實記憶產生矛盾反應,所以呢項技術只可以用喺臨終的病人身上。呢款遊戲即頭被嚳為「洋蔥神作」,因為遊戲設計非常有電影感,令人好似睇緊一部電影!網民「其中一個感動嘅位就係知道啲救贖都係假,現實個遺憾仲係存在,發生過嘅嘢實際上改變唔到」「以佢劇情其實可以拍套戲去講一定好好睇」

感人遊戲 盤點10個玩到流馬尿遊戲 網民:呢啲劇情可以拍電
(圖片來源:《TO THE MOON》)

3. 《Spiritfarer》

《Spiritfarer》係Switch一款以死亡為主題的遊戲,玩家將扮演渡船者斯泰拉,建造小船探索世界、關愛幽靈朋友,並引導佢哋渡過奇幻大海,超度佢哋,網民:「同至親的人永遠道別,勁感動」

感人遊戲 盤點10個玩到流馬尿遊戲 網民:呢啲劇情可以拍電
(圖片來源:Spiritfarer)
感人遊戲 盤點10個玩到流馬尿遊戲 網民:呢啲劇情可以拍電
(圖片來源:Spiritfarer)

4. 《outer wilds》

《outer wilds》科幻解謎冒險遊戲,玩家扮演某個太空計劃內的新進探索員,喺外太空四處冒險。就咁睇簡介,會以為係普通冒險遊戲,但唔少玩家指玩完之後會感受到好多作為人類的體會!

感人遊戲 盤點10個玩到流馬尿遊戲 網民:呢啲劇情可以拍電
(圖片來源:outer wilds截圖)

5. 《天之痕》

《軒轅劍參外傳 天之痕》係一隻台灣的角色扮演遊戲,故事背景係一百三十三年前,北朝名君隋文帝將南朝陳國消滅後,結束咗長久的分裂局面。呢隻遊戲被唔少人大肆討論,甚至有youtuber拍片,指故事真係非常感人!

6. 《This War of Mine》

2014年開發的反戰遊戲,講述平民喺戰爭時的狀況,鉛筆畫畫風,令玩家好似係度打開緊小朋友的鉛筆畫日記,感受當中戰爭為人類帶嚟傷害。

感人遊戲 盤點10個玩到流馬尿遊戲 網民:呢啲劇情可以拍電
(圖片來源:《This War of Mine》)

7. 《人中之龍》

Sega旗下《人中之龍》係一款日本的動作冒險遊戲,出名故事精彩,劇情扣人心,角色設計特別。「人中0,立華同個妹失散咗咁耐,最後終於同翻個妹再遇。個下真係睇到哭能咗」「真島結局先喊到傻,加個極2個後續,同埋唱K 佢嘅真正心聲」

感人遊戲 盤點10個玩到流馬尿遊戲 網民:呢啲劇情可以拍電
(圖片來源:人中之龍)

8. 《Detroit become human 》

ps4的冒險型遊戲,故事講述3個機械人因新生產的人工智能而逃亡,玩家的決定會影響呢3位機械人的存亡。唔少玩家都認為呢款遊戲感受ai作為奴隸的感人位。

感人遊戲 盤點10個玩到流馬尿遊戲 網民:呢啲劇情可以拍電
(圖片來源:Detroit: Become Human)

9.《The Last of Us》

ps3、ps4的動作冒險生存恐怖遊戲,故事設定係講世界被病毒感染,末日之後的美國,玩家要護送少女橫跨美國。劇情細膩,感動超多玩家「Sarah 死親都眼濕濕,然後係ellie同joel喺jackson嗌交嗰陣,sam同henry又心噏」

感人遊戲 盤點10個玩到流馬尿遊戲 網民:呢啲劇情可以拍電
(圖片來源:The Last of Us)

10.《Final Fantasy XIV: Endwalker》

Final Fantasy呢隻經典作品其實唔同集數都感動唔玩家,而《Endwalker》同樣為角色扮演遊戲,玩家要同加雷馬帝國的正面交鋒,同光之戰士決一死戰。

感人遊戲 盤點10個玩到流馬尿遊戲 網民:呢啲劇情可以拍電
(圖片來源:Final Fantasy XIV: Endwalker)

常見問題

有沒有switch遊戲推薦?

作為現時最具人氣的遊戲主機之一的Switch,遊戲種類非常多,必玩最新14款Switch遊戲推薦2022。想一邊打機一邊做運動減肥?這8款Switch健身遊戲絕對令你玩到爆汗,有日本媽媽玩Ring Fit 9個月激減44磅!想慳錢又想玩game,即睇20隻Switch 免費遊戲推薦,總有一款適合大家!

有手遊或者線上遊戲推薦嗎?

以前Online Game都還沒普及,線上小遊戲確為不少90後提供了很多娛樂,當中12個線上經典小遊戲你一定有玩過。《金庸群俠傳》絕對是DOS經典遊戲之一,「在線DOS遊戲」的網站裡面有合共1898款DOS遊戲,無需安裝任何程式!手遊方面,這三款手遊推薦必不可錯過!

圖片來源:遊戲截圖資料或影片來源:youtube@拉法大娛樂家

YOU MAY ALSO LIKE ...